|
barrixe - Bizkaiko Berrikuntza Behatokiak, BaBesTu izeneko 2024 Jabetza Industrialari buruzko azterlanak, Europako Patenteen eskaeren hazkundea islatzen du. Bizkaian 2023an 66 eskaera izatetik 69 izatera pasatu zen, hau da, % 4,5eko hazkundea; eta Euskadin, 179 eskaeretan geratu zen, hau da, % 6ko igoera. Bi kasuetan, BaBesTu txostenean aztertutako serieko daturik altuena lortzen da. Datu historiko bat berriro ezartzeaz gain, 2019tik ikusten den goranzko joera finkatzen da. Hazkunde hori, Bizkaian indar gutxiagorekin bada ere, nabari da Nazioarteko patenteen eskaeretan ere, Bizkaian 28tik 36ra igo baitira (+% 28,5); eta EAEn, berriz, 61etik 70era (+% 14,7).
Europako eta nazioarteko patenteen aldeko apustuak, ziurrenik, Patente Nazionalen eskaeren beherapena azaltzen duela; izan ere, Bizkaian pixka bat berreskuratzen diren arren, 2023an 19tik 29ra pasatzean, maila oso baxuetan jarraitzen du; eta EAEn behera egiten jarraitzen du, 48 eskaerarekin geratuz. Bizkaian horrelako babesen emakidak 21 dira, eta EAEn, guztira, 42 kontzesio eman dira.
Patenteak eskatzen dituztenak, edozein kasutan, nazionalak, Europakoak edo nazioartekoak, enpresak dira gehien eskatzen dutenak beren asmakuntzak babesteko; eruopea bidezko patenteak dira protagonismo handiena dutenak, Euskadin eskatutako patente europarren % 91,6 enpresek eskatu baitzuten; partikularren kasuan, berriz, Europako patenteetan erakusten dute interes gutxien, patente-mota horren % 1,6 bakarrik eskatu baitzuten partikularrek.
Azpimarratu behar da, neurri handi batean, harremanak dituzten enpresak atzerritarrak izango direla, eta enpresa horiek balio handiagoa ematen diotela Europak Espainiakoaren aldean egindako eskaerari, bai lurralde-irismen handiagoa duelako, bai EPBek eskaera horri ezartzen dion azterketa-prozesuaren kalitateagatik, nazioartean onartzen baita eskaera hori.
IKUSI TXOSTENA
| 
