Onuradunak

Enpresek, jarduera nagusia hauetariko bat badute: industria, eraikuntza, garraioa, industriari lotutako zerbitzuak, turismoa eta handizkako merkataritza

a) Sozietatearen helbidea eta zerga-helbidea Bizkaiko Lurralde Historikoan izatea.

b) Gutxienez ekoizpen zentro bat edo balio erantsi handiko zentro bat Bizkaiko Lurralde Historikoan izatea.

c) 5 eta 100 pertsona arteko langile edukitzea, lansaio osokoak urteko kopuru baliokideetan.

d) Honako bi muga hauetako bat, gutxienez, ez gainditzea, aurkeztutako azken Sozietate Zergako aitorpenaren arabera:

— Urteko negozio kopurua: 20.000.000 euro.

— Balantze orokorra: 20.000.000 euro

Diruz lagun daitekeen egitatea

Diruz lagundu ahal diren egitateak hauek dira: erakundearen lehiakortasuna edozein arlotan (prozesua, produktua, antolaketa, parte-hartzea, merkatua, jabetzaren babesa) berrikuntza teknologikoko nahiz ez-teknologikoko proiektuen bidez hobetzea helburu duten jarduerak eta inbertsio aurreratuak, baldin eta erakundearen negozio-ereduarekin koherenteak badira eta eragin handia badute.

a) Sozietatearen helbidea eta zerga-helbidea Bizkaiko Lurralde Historikoan izatea.

b) Produktu edo zerbitzu berriak diseinatzea edo garatzea, edo lehendik zeuden produktuen prestazioak hobetzea, merkatuan txertatu ahal izateko.

c) Negozio-eredua aldatzea balio erantsi handiagoa duten elementuen salmentara bideratzeko, «zerbitizazioa» barne (produktuen salmenta produktua + zerbitzua binomiora eboluzionatzea da zerbitizazioa).

d) Berrikuntza, merkatu berrietara irekitzeko eta produktu eta zerbitzuak merkaturatzeko bide berriak sortzeko.

e) Ekoizpen prozesuetan berrikuntzak txertatzea, edo existitzen den beste baten etapetako batean hobekuntza nabarmenak sartzea.

f) Enpresaren lehiatzeko posizioa nabarmen hobetzen duten eta teknologikoki aurreratuak diren industri enpresen ekoizpeneko ekipamenduak modernizatu, hobetu eta zabaltzeko inbertsioak.

g) Antolakuntzaren eraldaketa, pertsonen eta taldeen protagonismoan oinarrituta, antolakuntzaren eta erakundea kudeatzeko moduen aldaketa-prozesu baten bitartez, hala erakundeko pertsonek modu zabal eta anitzean parte har dezaten proiektu horien gogoeta eta abiarazte prozesuetan.

h) Europako, nazioarteko edo atzerrian estatuko patenteen eskabideak aurkeztu eta izapidetzea, baita erabilgarritasun ereduak edo diseinuak ere (erkidegokoa, nazioartekoa edo atzerrian estatukoa).

i) Aurretik egindako azterlanak, enpresak lehiakortasuna handitzeko tresna gisa eskuratzeko, betiere, proiektua berritzailea bada enpresarentzat.

Burutzeko epeak

Kapitulu honen babesean garatzen diren proiektuak 2018ko urtarrilaren 1etik eta 2020ko ekainaren 30era hasi eta amaitu beharko dira.