Entitate onuradunak

Industria, eraikuntza, garraioa, industriarekin lotutako zerbitzuak, turismoa eta handizkako merkataritza sektoreetako enpresak, 5 eta 100 langile artean dituztenak

Diruz lagundu daitekeen egitatea

1 Diruz lagundu daitezkeen egitatetzat hartuko dira zenbait erakundek partzuergoan garatutako proiektuak, baliabideak, arriskuak eta balizko onurak partekatuz, honako tipologia hauetakoak:

a) Lankidetzan sortutako berrikuntza-proiektuak erakundeen negozio-estrategiekin koherente direnak. Diruz lagundu ahal diren proiektu mota hauek barnean hartu ahal dituzten ekintzen xedeak hauek izan ahal dira:

• Produktu edo zerbitzu berriak diseinatzea edo garatzea, edo lehendik zeuden produktuen prestazioak hobetzea, merkatuan txertatu ahal izateko.
• Negozio-eredua aldatzea balio erantsi handiagoa duten elementuen salmentara bideratzeko, «zerbitizazioa» barne (produktuen salmenta produktua + zerbitzua binomiora eboluzionatzea da zerbitizazioa).
• Berrikuntza, merkatu berrietara irekitzeko eta produktu eta zerbitzuak merkaturatzeko bide berriak sortzeko. Dirulaguntza jaso dezakeen egitate honen ondoreetarako, aurkeztutako proiektuek bi enpresa edo gehiagoren arteko lankidetza-akordioa jaso behar dute (2. oinarrian deskribatutakoaren arabera).

b) Enpresa batzuen artean lankidetzan identifikatutako negozio-aukeren bideragarritasuna aztertzea berrikuntza-proiektuak sortu ahal badira. Proiektu mota hauetan jarduera hauek sartuko dira:

• Identifikatutako negozio-aukerari eta etorkizuneko ustiapenari buruzko bideragarritasun-azterlana.
• Partzuergoa osatzeko eta dinamizatzeko lanak: Dirulaguntza jaso dezakeen egitate honen ondoreetarako, aurkeztutako proiektuek bi enpresa edo gehiagoren arteko asmo-akordioa jaso behar dute (2. oinarrian deskribatutakoaren arabera)