Erakunde onuradunak

Industriaren, eraikuntzaren, garraioaren, industriarekin lotutako zerbitzuen, turismoaren eta handizkako merkataritzaren sektoreetako Bizkaiko enpresak, 5 eta 100 langile bitartekoak.

Diru-laguntza jaso dezakeen egitatea

1. Diruz laguntzeko moduko egitatetzat jotzen dira ekonomia eta merkataritza suspertzeko proiektuak, merkataritza-orientazio argia duten epe laburreko ekintzen bidez. Diruz lagun daitekeen egitatearen barruan sartuko dira lagundutako berraktibazio-ekintzak garatzeko beharrezkoak diren ekoizpen- eta antolaketa-hobekuntzak.

2. Diruz lagundu ahal diren proiektuek barnean hartu ahal dituzten ekintzen xedeak hauek izan ahal dira:

a) Enpresaren egungo jarduerari (tradizionala) lotutako salmentak berraktibatzea, epe laburreko emaitzekin. Besteak beste, honako xede hauetara bideratutako ekintza k izan daitezke:

i. Merkataritza-jarduerak indartzea.

ii. Marketin-jarduera berriak, marketin digitala barne.

iii. Nazioarteko eskaintzak hautematea eta haietatik erakartzea.

iv. Zerbitzuak kanal berrien bidez, digitalak barne, eskaintzea.

b) Enpresaren egungo produktuak eta zerbitzuak merkatu berrietara birbideratzea.

c) Enpresen merkataritza- eta ekoizpen-eraginkortasuna hobetuko duen enpresen bat-egitea edo eskuratzea.

d) Merkatu zabalagoetan lankidetzan aritzeko aliantzak, merkaturatzeko ABEE eta partzuergoen prestakuntza barne.

3. Dekretu honen arabera diruz lagundu daitezkeen ekonomia eta merkataritza suspertzeko proiektuen artean, laguntza berezia jasoko dute enpresaren jarduera eta negozio-eredua digitalizaziorantz, ekonomia zirkularrerantz edo enpresaren jardueraren eta haren produktu/zerbitzuen bizi-ziklo osoaren ingurumen-inpaktuaren murrizketarantz bideratzen laguntzen dutenek, 4. eta 6. oinarrietan jasotako baldintzetan. Proiektuek laguntza gehigarri hori jaso ahal izango dute digitalizazio aurreratua, ekonomia zirkularra edo ingurumen-eraginaren murrizketa nuklearra denean proiektuan, eta ez bigarren mailako elementua, elementu tangentziala edo proiektutik eratorria denean

Burutzeko epea

Dekretu honen babesean garatzen diren proiektuak 2020ko martxoaren 14tik eta 2020ko abenduaren 31ra arteko epean hasi eta amaitu beharko dira, biak barne.

Justifikatzeko epea

Dekretu honen babesean garatzen diren proiektuak justifikatzeko azken eguna, 2021eko otsailaren 28a da.

ARGIBIDE GEHIAGORAKO