Barne-ekintzailetzako proiektu horiek enpresaren egungo jarduera dibertsifikatzea izan behar dute helburu, berritzaileak eta/edo oinarri teknologikokoak izan behar dute, industria-produktuari/-prozesuari lotutako industriakoak eta/edo zerbitzuetakoak izan behar dute, eta EAEn dauden Enpresa eta Berrikuntza Zentroren (BIC) baten babespean egon behar dute.

Laguntza hori honela gauzatuko da

• 0. ildoa: Negozio berriak sortzeko plan bat garatzeko laguntza, barne hartuko dituena jarduera ekonomiko berriak sortzeko sustapen jarraitu eta sistematizaturako beharreko printzipioak, antolakuntza-kultura, sistematika eta lankidetzak. Horren emaitza izango da enpresarentzat lehentasunezkoa izango den aurretiazko analisi bat, 1. ildoan aurkezteko.
• 1. ildoa: Enpresari lagun egin ideia heltzeko eta enpresako plana egiteko prozesuan.
• 2. ildoa: 1. ildoko barneko ekintzailetza-proiektuek sortutako enpresa berrientzako laguntza, zehaztutako enpresako plana gauzatzeko behar diren inbertsioen finantzaketa errazago eskuratzeko.

Erakunde onuradunak eta laguntzen onuradun izateko baldintzak.

1.– Negozio Berriak Sortzeko Planaren erakunde onuradunak (0. ildoa)

Negozio Berriak Sortzeko Plana garatzeko laguntzaren onuradunak izan ahalko dira Euskal Autonomia Erkidegoan egoitza soziala eta/edo gutxienez jarduera-zentro bat duten pertsona juridikoak, baldin eta 20 pertsona edo gehiagoko plantilla badute eskaera egiteko unean. Horrez gain, lanaldi osoen urteko baliokideak pertsona gisa zenbatuko dira, eta gutxienez 2.000.000 euroko urteko negozio-bolumena izan beharko du erakundeak. Gainera, enpresa-arloko, oinarri teknologikoko edo produktu-prozesu industrialarekin lotutako industria-eta zerbitzu-proiektuei buruzko proiektu-ideia berritzaile bat izan beharko dute, eta Euskal Autonomia Erkidegoan abiarazi beharko da.

2.– Lagun egiteko laguntzaren erakunde onuradunak (1. ildoa)

Egoitza soziala edo/eta gutxienez jarduera-zentro bat Euskal Autonomia Erkidegoan duten pertsona juridikoak izan daitezke lagun egiteko laguntzaren onuradun, baldin eta enpresa-proiektu berritzailea eta/edo industria- eta teknologia-oinarrikoa eta/edo produktu-prozesu industrialei lotutako zerbitzuetakoa bada, eta Euskal Autonomia Erkidegoan abiarazi nahi bada.

3.– Finantzaketa lortzea errazteko laguntzaren erakunde onuradunak (2. ildoa).

Euskal Autonomia Erkidegoan enpresako plana gauzatzeko konpromisoa hartzen duten eta baldintza hauek betetzen dituzten pertsona juridikoek bakarrik jaso ahal izango dituzte finantzaketa eskuratzea errazteko laguntzak:

• Sortu berriak izatea, hau da, 2023ko urtarrilaren 1aren ondoren eratutako enpresa guztiak, data hori barne.
• Gutxienez 3 enplegu sortzea aurreikustea 3 urteko epean.
• ETEak izatea.
• Altan emanda egotea EAEko Jarduera Ekonomikoen gaineko Zergan dagokien industriako epigrafean.
• Barne-ekintzailetza prozesu batetik etortzea.