Nokia eta EY.A konpainiek “The metaverse at work” argitaratu zuten, metabertsoan dauden enpresen eta industrien gaur egungo egoerari buruzko azterlana, alegia. Bertan adierazten denez, enpresen %58ketorkizunerako planak dituzte metabertsoarekin, eta, gutxienez, ingurune digital birtualarekin lotutako erabilera-kasu bat ezarri edo probatu dute.

Azterlanean, munduko sei herrialde hartu ziren kontuan, eta 860 enpresari liderri egin zitzaien inkesta. Bertan egiaztatutakoaren arabera, metabertsoan erabilera-kasuak ezarri dituzten enpresen %80k baieztatu egiten dute eraginadierazgarria edo eraldatzailea nabaritudutela negozioak egiteko daukaten moduan.

Bestetik, %2ren iritziz baino ez, metabertsoa modako hitz iragankorra da, eta oraindik metabertsoan zehar bidaiatzen hasi ez diren enpresarien %94k hurrengo bi urteetan egiteko asmoa dute.

Txostenaren arabera, inkestatutakoen %96ren ustez, erabilera-kasu fisikoak eta birtualak nahasten direnean, 4.0 industriaren hedapena, ezarpena eta monetizazioa azkartzen dira haien negozioetan.

Inkestatutakoen esanetan, lortu dituzten abantailak ezarpenaren plangintza egin bitartean dimentsionatu zituztenak baino handiagoak izan dira. Esate baterako, beharrezko lan-kapitalean kostuak murriztu egin zirenez, aurreikusitakoak baino %15 handiagoak izan ziren. Ekoizpen-kostuak, ordea, %6 jaitsi ziren.

Aldi berean, prozesuen jasangarritasuna %10 igo zen, eta segurtasuna %9 hobetu zen.

Estatu Batuak ezarpeneko munduko liderra dira, haien erabilera %65ekoa da-eta. Ondoren, Erresuma Batua (%64) eta Brasil (%63) daude. Laugarren postuan Alemania dago (%53); eta Asia-Pazifikoa, ordea, bosgarren postuan, Japoniak eta Hego Koreak %49 dute-eta.

dplnews.com