Eurostaten eta IAB UKen datu ofizialen arabera Visual Capitalistek egin berri duen taulak argi eta garbi adierazten du Europa zenbait ezarpen-mailatan dagoela banatuta:

1) AAren ia-ia ezarpen ugaria duten herrialdeak,

2) ezarpena apurka-apurka aurrera doan beste herrialde batzuk eta

3) oraindik era mugatuan darabilten herrialdeen hirugarren taldea.

Txostenean, AAren benetako erabilera aztertu da (azken hiru hilabeteotan erabili duen jendea), eta gaur egungo egoera kontraesanez beteta dago:

• Bloke liderra (iparraldea eta aitzindariak): Norvegia sailkapeneko lehenengo postuan dago, %56,3 izugarria lortu du-eta. Ondoren, Danimarka eta Finlandia daude. Herrialde horietan, hain zuzen ere, AA eguneroko tresna da gaur egun, ez berritasuna.
• Paradoxa ekonomikoa: harrigarria bada ere, Alemania (%32,3) edo Erresuma Batua (%34,3) bezalako herrialdeen erabilera-tasak Malta (%46,5) edo Grezia (%44,1) bezalako herri txikiagoen tasak baino txikiagoak dira. Beraz, badirudi arintasun digitalak eta hezkuntzak ekonomiaren tamainak baino pisu handiagoa dutela.
• Belaunaldi sustatzailea: joerak erregai argi-argia dauka: gazteak. Batezbesteko moderatuak dituzten herrialdeetan, Erresuma Batuan, adibidez, gazteen %24k AA egunero darabiltenez, hazkuntza organikoa dago bermatuta laneratzen diren neurrian.
• Hego-ekialdeko arrakala: Italia, Turkia edo Errumania bezalako herrialdeak, ordea, taularen amaieran daude, %20 baino gutxiago dute-eta. Beraz, agerikoa da etorkizuneko lehiakortasunean eragina izan lezakeen deskonexio digitala dagoela.
• Espainia “erdiko tropelean”: Espainia 16. postuan dago, bere ezarpen-tasa %37,9koa da-eta. Beraz, EBko batezbestekoaren (%32,7) gainetik eta Frantziaren parean dago, baina sailkapeneko lehenengo postuetatik urrun. Hori dela eta, Espainian, AA arrunta bada ere, oraindik ez da zeharkakoa.

visualcapitalist.com