Helburua

Programa honen helburua Bizkaiko sormen-enpresak sendotzea eta haien hazkundea azkartzea da, jarduera ekonomikoa sortuko duten proiektu berriei laguntza emanez. Gainera, talentua erakarri eta lurraldea sormen-sektorean erreferente gisa kokatu nahi du.

Entitate onuradunak

• Enpresa sortzaileak, lanaldi oso baliokidea dutenak eta beren jarduera nagusia ikus-entzunezkoen, bideojokoen, modaren, produktuen eta zerbitzuen diseinu industrialaren, diseinu grafikoaren eta musikaren arloetan garatzen dutenak.
• Sormen-sektoreko elkarte, elkargo profesional eta irabazi asmorik gabeko klusterrak, enpresak edo profesionalak ordezkatzen dituztenak, ekitaldiak, azokak edo kongresuak antolatzen dituztenak izan ezik.

Diruz laguntzeko moduko egitatea

• Enpresa berriak: Ikus-entzunezkoen, bideojokoen, modaren, diseinuaren (industriala, produktuak eta zerbitzuak), diseinu grafikoaren eta musikaren arloetan sormen-enpresak sortzea.
• Produktu/zerbitzu berriak: Gaur egungo negozioa dibertsifikatuko duten proiektu berritzaileak, aurrekoekin alderatuta nabarmen desberdinak direnak.
• Lehiakortasuna hobetzea: Dauden prozesu edo produktuetan hobekuntza nabarmenak sartzea, negozioa estandarizatzeko, eskalatzeko edo merkatu berrietan sartzeko.
• Elkarteak eta klusterrak: Elkartutako enpresak indartzeko, fakturazioa hobetzeko eta lankidetza sustatzeko proiektuak (baita elkarteen arteko lankidetzan egindakoak ere).
• Bategiteen bideragarritasuna: Enpresen arteko bategite-, integrazio- edo eskuratze-prozesuak aztertzeko aurretiazko ikerlanak, egitura handiagoak eta berritzaileak lortzeko.