Espainian, adimen artifizialeko tresnen ezarpenean modu adierazgarrian aurrera egin bada ere, ‘AAren eta Talentuaren Barometroaren’ bigarren edizioa egin da, eta arrakala kritikoa dagoela utzi du agerian: erakundeak euren barne-egitura eraldatzen duten baino azkarrago ari dira teknologia hedatzen.

Nahiz eta zuzendariek AAren erabilera euren egunez egunekoan normalizatu duten, ezarpen eragileak ez du oraindik langileen eginkizunak sakon birdiseinatzea lortu. Hori dela eta, integrazio kulturala da hurrengo urteei begira gainditu beharreko erronka handia.

Azterketako puntu kezkagarrienetakoa giza faktorearen kudeaketa da. Konpainien %60k ez dute inolako plan estrategikorik, euren langileen beldurrak eta erresistentziak gainditzeko. Izan ere, gehienek tresna horiek eskuratzeko erraztasunak ematen dituzten arren, %30ek baino ez dituzte ezarri esperientzia edo langileengananzko balio-proposamena benetan hobetzen duten irtenbideak. Deslotura horren ondorioz, talentuaren ardatza da Espainiako enpresen sarean hobekuntza-marjina onena daukan arloa.

Segurtasunari dagokionez, presio arautzaileak gobernantza sendoa eta erabilera arduratsurako esparruak bultzatu ditu. Nolanahi ere, heldutasuna ez da berbera sektoreen artean: banka eta energia integrazioko liderrak dira inbertsiorako duten ahalmenari esker, eta, bien bitartean, industriaren zein administrazio publikoaren atzerapena egiturazkoa da, baina, batez ere, talentuaren eta AAn oinarritutako barne-mugikortasunaren kudeaketari dagokionez.

Txostenak ondorio moduan atera du gaur egun teknologia eskuratzeko aukera edukitzea ez ezik, erakundeek teknologia hori euren DNAn integratzeko gai izatea ere badela benetako abantaila lehiakorra. Hurrengo jauzi kualitatiboa ematean, enpresak araketa-fasetik arkitektura osora igaro beharko dira derrigorrean, eta, bertan, AAk langileen bizi-ziklo osoa eraldatuko du: hautaketa eta etengabeko ikaskuntza, besteak beste.

nttdata.com