1. LERROA: OINARRIZKO DIGITALIZAZIO-PROIEKTUETARAKO DIRULAGUNTZAK

Erakunde onuradunak

Industria, Eraikuntza, Garraio, Industriarekin, Turismoarekin eta Handizkako Merkataritzaren sektoreko Bizkaiko enpresak, 5 eta 50 langile bitarteko plantilla dutenak.

Xedea

Enpresan hobetzeko edo berritzeko proiektuak, oinarrizko digitalizazioaren bidez, balioa sortzeko prozesuei eragiten dietenak.

Proiektuek honako EIKT hauetakoren bat (Elektronikaren, Informazioaren eta Telekomunikazioen Teknologiak) ezartzea ekarri behar dute:

• Merkataritza elektronikoa: erosketa elektronikoak, salmenta elektronikoak, B2B (Business-to-Business) edo B2C (Business-to-Consumer) proiektuak.
• Enpresaren kudeaketa aurreratuko sistemak, hala nola ERPak, Business Intelligence, CRM, kudeaketa-sistemetarako softwarea (kalitatea, ingurumena, laneko arriskuen prebentzioa, datuen babesa, legea betetzea...).
• Ekoizpen-prozesuak kudeatzeko sistemak: MES, SCADA, GMAO...
• Hornidura-katearen barneko eta kanpoko logistika kudeatzeko sistemak: MRP, SCM, SGA...
• Produktuaren edo zerbitzuaren bizi-zikloaren kudeaketa (CAM CAE, PDM, DMF, PLM, BIM motako aplikazioak ezartzea). Diseinu- eta kalkulu-aplikazioak.
• Prozesu industrialen automatizazioa (PLC, CNC eta abarren bidezko kontrola), prozesuen kontrolean IoT elementuak sartzea (gauzen internet).
• Enpresan prozesu operatiboen seinaleak eta datuak integratzea, baita hainbat establezimenduren artean ere.
• Zibersegurtasuna.

Dirulaguntza jaso dezakeen egitatea

Diruz lagundu daitekeen egitatea TEIO ezartzea da, eta digitalizazio-soluzioa ezartzeko produktuak edo hornitzaileak hautatzeko lanak ez dira diruz lagundu daitekeen egitatearen parte.

Laguntzaren zenbatekoa eta mugak

Laguntza gastu motaren arabera kalkulatzen da eta ezarritako mugak ditu:

Laguntzaren ehunekoa:

• Kanpoko gastuen % 50.
• Inbertsioen % 10.

Jaso beharreko diruaren gehieneko mugak:

• Gehienezko muga: 25.000 €eskaera bakoitzeko.
• Gutxieneko muga: 3.000 €-tik beherako laguntzarik ez da emango.

2. LERROA: DIGITALIZAZIO AURRERATUKO PROIEKTUETARAKO DIRULAGUNTZAK

Erakunde onuradunak

Industria, Eraikuntza, Garraio, Industriarekin, Turismoarekin eta Handizkako Merkataritzaren sektoreko Bizkaiko enpresak, 5 eta 250 langile artean dituztenak.

Laguntzaren xedea

Enpresan hobetzeko edo berritzeko proiektuak, digitalizazio aurreratuaren bidez, balioa sortzeko prozesuei, produktuei/zerbitzuei edo negozio-ereduari eragiten dietenak.

Proiektuek honako EIKT hauetakoren bat (Elektronikaren, Informazioaren eta Telekomunikazioen Teknologiak) ezartzea ekarri behar dute:

• Adimen artifiziala, machine learning, deep learning.
• Banatutako konputazioa/birtualizazioa, konputazio kuantikoa.
• Blockchain.
• 3D simulazioa, oinplano-prozesuen eredu birtualak (biki digitalak eta errealitate hedatua barne...).
• Enpresaren balioa sortzeko prozesuen seinaleak eta kontrol-datuak integratzea, balio-kateko beste agente batzuekin (hornitzaileak, bezeroak...) egiten denean.
• Pertsona-makina elkarreragin aurreratua: errealitate birtuala, errealitate areagotua eta mistoa, gamifikazioa, robotika kolaboratiboa...
• Sistema ziberfisikoak, IoT (gauzen Internet)... azken bezeroarentzako produktuan, urruneko datuen erabilera intentsiboarekin.
• Ikusmen artifiziala.

Dirulaguntza jaso dezakeen egitatea

Digitalizazio aurreratuko teknologien aplikazioak automatizazioa eta datu-trukea ahalbidetu behar ditu, eta enpresaren balioa sortzeko eremu hauetako batean edo batzuetan hobekuntzak lortzea dute ondorio:

a) Malgutasuna: aldaketa azkarrak, serie laburrak, pertsonalizazioa; «lead time» aren murrizketa (ekoizpen-denbora); «time to market» aren murrizketa (diseinutik produktu merkaturagarrira).
b) Prestazioak: serbitizazioa (produktuari erantsitako zerbitzuak/produktuaren ordez zerbitzua saltzea); hobekuntzak produktuaren edo zerbitzuaren kalitatean;

c) Informazioaren erabilera: erabakiak hobeto hartzea; kontrol automatizatua; kontrol autonomoa; erreakzio-denborak murriztea; arazoei eta beharrei aurrea hartzea.
d) Eraginkortasuna: stocken murrizketa; kontsumoen murrizketa; hondakinen murrizketa; langileen kostuen murrizketa; mantentze-lanen hobekuntza.

Laguntzaren zenbatekoa eta mugak

Ehuneko horiek gastu motaren arabera aplikatuz kalkulatzen da laguntza:

• Kanpo-gastuak: % 50eko dirulaguntza.
• Langileak (barne-gastuak): % 50eko dirulaguntza.
• Inbertsioak: % 15eko dirulaguntza.

Jaso beharreko diruaren gehieneko mugak:

• Laguntza, guztira: 120.000 €gehienez, erakunde bakoitzeko.
• Langileentzako muga: guztizko horren barruan, gehienez 25.000 €jaso ditzakezu langile-gastuengatik.