AEBren eta Txinaren ahalmenaren aurrean, Europak “supermaterial” jasangarri horien aldeko apustua egin du, bere burujabetza teknologikoa bermatzeko eta gaur egungo industria errotik eraldatzeko.

Materialen iraultza: osasunetik kuantikara

Txostenean bertan, berehalako ahalmen disruptiboa duten materialen lau familia nabarmentzen dira:

• MXenoak (grafenotik haratago): metalen eta karbonoaren nanogeruzak dira, eta moldaerraztasun harrigarria dute. Behar besteko irtenbidea omen dira azkar baino azkarrago kargatzen diren baterietarako eta zehaztasun handiko terapia fototermikoetarako. Azken horiek, hain zuzen ere, beroaren bidez minbiziari aurre egitea dute xede.
• Ionogelak (larruazal elektronikoak): material hibrido hauei esker, ukimena duten protesiak edo garbiketak jasaten dituzten ehun adimendunak sortzen dira osasuna kontrolatzeko.
• “Koloretako erdiguneak” dituzten solidoak: akats kristalino hauei esker, sateliterik gabeko nabigaziorako mikrotxipak edo bizirik dagoen zelularen metabolismoa neurtzeko gai diren sentsoreak sortzen dira gaixotasunak goiz baino goizago antzemateko asmoz.
• Entropia handiko aleazioak: AA bidez diseinatutako metal hauek erresistentzia handiena eskaintzen dute ahalik eta pisu txikienaz. Beraz, oso egokiak dira industria aeroespazialerako, eta hondakin birziklatuen bitartez ekoizten dira.

Europar Batasunaren erronka estrategikoa

Europak eraikuntzan, beiragintzan, biomaterialetan eta antzeko sektoreetan gaitasun teknologiko sendoak baditu ere, patenteen kopuruari dagokionez AEBren eta Txinaren aurrean berrikuntza-arrakala daukala adierazten da txostenean.

Hori dela eta, Europako ikerketa-plan berrien helburua bikoitza da:

• Autonomia estrategikoa: lehengai kritikoen inguruko menpetasuna murriztea.
• Jasangarritasuna: material horiek birziklagarriak direla eta berotegi-efektuko gasik sorrarazten ez dutela ziurtatzea, ingurumenaren etika abantaila lehiakorra izan dadin.

Ondorioa: material aurreratuak ez dira zientzia-fikzioa. Izan ere, azpiegitura ikusezina dira, eta, haiei esker, Europa liderra izango da eraldaketa digital eta ekologikoan, betiere, bere

theconversation.com