Erakunde onuradunak

Edozein motatako enpresa-jarduerak egiten dituzten pertsona juridikoak, enpresaren tamaina edozein izanda ere, bai eta EAEn kokatutako enpresa-taldeetako enpresa nagusiak ere.

Diruz lagundu daitezkeen jarduerak

• Cloud Estrategiako aholkularitza: tipologia honek aholkularitzari lotutako gastuak bakarrik hartzen ditu barne. Bertan, kanpoko enpresa adituak eskatzailearen egoeraren diagnostikoa eta Cloud azpiegituretan edo zerbitzuetan soluzioak ezartzeko aholkularitza teknikoa egiten ditu. Horrela, proiektu honen emaitzak artikulu honetan definitutako beste tipologien aurreproiektu gisa balio du.
• Colocation: zerbitzariak eta beste hardware ekipo batzuk hirugarrenen datu-zentro batean ostatatzea. Norbere datu-zentro bat mantendu beharrean, enpresek espazioa alokatzen dute azpiegitura sendoa eskaintzen duten instalazio espezializatuetan, hala nola energia, hoztea, segurtasun fisikoa eta abiadura handiko Interneterako konexioak dituztenetan.
• Hosting: enpresa batek espazioa eta baliabideak alokatzen ditu zerbitzuen hornitzaile baten jabetzakoak diren eta hark kudeatzen dituen azpiegitura teknologikoetan. Hainbat mota daude: partekatua, zerbitzari pribatu birtuala (VPS) eta dedikatua. Hornitzailea arduratuko da azpiegitura teknologikoa mantentzeaz, haren segurtasunaz eta kudeatzeaz.
• IaaS (Infraestructure as a Service): zerbitzuen kontsumorako harpidetza-eredua erabilita Internet bidez baliabide informatiko birtualizatuak kontratatzea, hala nola biltegiratzea, sareak, prozesatzea eta beste zerbitzu batzuk (edukiontziak, adibidez).

Gauzatzeko epea

Proiektuak, hasten direnetik, beranduenera jota, 12 hilabeteko epean gauzatuko dira.