Onuradunak

Industria, Eraikuntza, Garraio, Industriarekin lotutako Zerbitzu, Turismo eta Handizkako Merkataritza sektoreetako berezko nortasun juridikoa duten enpresak, 5 eta 250 pertsona arteko plantilala dutenak.

1. ILDOA: INGURUMEN-ERAGINAREN NEURKETARAKO DIRULAGUNTZAK

Diruz lagundu daitekeen egitatea

• Karbono-aztarna korporatiboa kalkulatzea, 2. edo 3. irismen-mailakoa.
• Produktuaren, zerbitzuaren edo ekitaldiaren karbono-aztarna kalkulatzea.
• Ingurumen-aztarna korporatiboa kalkulatzea.
• Ingurumen-aztarna kalkulatzea, bizi-zikloa aztertzea eta/edo Produktuaren Ingurumen Adierazpena egitea.
• Ingurumen-inpaktuari buruzko datuak biltzeko, tratatzeko, aztertzeko eta bistaratzeko prozesuak eta softwarea ezartzea

2. ILDOA: INBERTSIO BERDEETARAKO DIRULAGUNTZAK

Diruz lagundu daitekeen egitate

• Autokontsumorako energia berriztagarria sortzeko instalazioak.
• Egungo ekipamendu eta instalazioak egokitzea edo ordeztea energia iturri berriztagarrietatik kontsumitzen duten elementuekin.
• Egungo ekipamendu eta instalazioak egokitzea edo ordeztea, Teknologia Garbien Euskal Zerrendaren (TGEZ) barruko teknika erabilgarri onenen arteko bat (TEO) edo zerrenda horretako beste teknologietako bat erabiltzera pasa daitezen.
• Egungo ekipamendu eta instalazioak egokitzea edo ordeztea energia eta baliabideak modu efizienteagoan erabiltzen dituztenekin.
• Energia-eskaria kudeatzeko sistema integralak ezartzea

3. ILDOA: INGURUMEN-BERRIKUNTZAKO ETA EKONOMIA ZIRKULARREKO PROIEKTUETARAKO DIRULAGUNTZAK

Diruz lagundu daitekeen egitatea

1. Dirulaguntza jaso dezaketen egitatetzat jotzen dira ingurumen-berrikuntzako eta hobekuntza proiektuak, ekonomia zirkularrarekin bat datozenak, baldin eta balioa sortzeko prozesuei, produktuei/zerbitzuei edo negozio ereduari eragiten badiete.

2. Diruz lagundu ahal diren proiektuek barnean hartu ahal dituzten ekintzen xedeak hauek izan ahal dira:

• Produktuaren/zerbitzuaren ingurumen-berrikuntza – Ekodiseinua: produktuaren/ zerbitzuaren balio-bizitza handitzeko, produktuak/zerbitzuak erabiltzen duen bitartean duen ingurumen-inpaktua murrizteko, ingurumen-inpaktu txikieneko materialak erabiltzeko, produktua desmaterializatzeko, produktua konpontzeko, berrerabiltzeko, edo haren bizitzaren amaiera ingurumenaren aldetik optimizatzeko jarduerak izango dira.
• Ingurumen-berrikuntza prozesuan: prozesuaren ingurumen-eragina murriztea (emisioak, energia-kontsumoa –energia berreskuratzea barne–, hondakinen bilketa eta bereizketa eraginkorra, berrerabiltzeko eta tratatzeko, hondakinen upcyclinga).
• Negozio-ereduko ingurumen-berrikuntza: funtzioaren optimizazioa, erabilera partekatua, zerbitizazioa, banaketa-eredua eta merkataritza-eredu optimizatua, lehen edo bigarren mailako emaitza gisa produktuaren/zerbitzuaren edo enpresaren jardueraren aztarna ekologikoaren erabilera eta murrizketa argi eta garbi optimizatzea dutenak.