2024. urtean,zenbait arlo teknologikotako berrikuntzak egingo dira, eta eragin nabaria izango dute. Hona hemen AssecoSpainGroupek adierazitako batzuk:

AA areagotua

AA lagundua ere esaten zaio, eta AA sortzailearen hurrengo urratsa da, makinek datuak prozesatzeko eta erabakiak hartzeko duten gaitasuna uztartzen duelako giza lankidetzarekin. Hori dela eta, aurrerapausoa emango da gizakien eta makinen arteko baterako lanean, erabakiak hartzeko, emankortasuna handitzeko eta zeregin konplexuetarako laguntza emateko orduan.

Blockchaina etakriptografia

Ogasun Ministerioko Teknikarien Sindikatuak (GESTHA) emandako datuen arabera, Espainiako zerga-iruzurra BPGd-ren %20koa izan zen, eta hori murriztu egin liteke, sistema finantzarioan kriptografia eta blockchaina ezarriz gero. Bi teknologiak uztartzen direnean, egiazkotasuna bermatzen da eragiketaren hasieratik amaierara arte. Horrez gain, segurtasunaren eta identifikazioaren arloan eskaintzen dituzten irtenbideak orain artekoak baino sendoagoak dira.

Konputazio kuantikoa

Badirudi 2024. urtea funtsezkoa izango dela teknologia horri begira, ikerkuntzako laborategietatik irtengo delako jende guztiak ezagutu dezan. Informatikako adar disruptiboa da, garapen-fasean dago eta, horri esker, bitsetan oinarritutako orain arteko konputazioan ez bezala prozesatzen da informazioa.

EdgeComputinga

EdgeComputingari esker,datu-iturrietatik hurbil dauden gailuetan eta sistemetan, askoz azkarrago hartzen dira erabakiak eta betearazten dira zeregin autonomoak, urrunean kokatutako zerbitzarien menpe egon ez gaitezen. Teknologia horren ondorioz, hobekuntza nabaria lortuko da eraginkortasunari eta abiadurari begira, latentzia faktore kritikotzat daukaten ekintzetan, batez ere; esate baterako, ibilgailu autonomoak, urruneko ekoizpena edo Gauzen Internet (IoT).

IoT

IoTteknologiak eguneroko objektuak lotzen ditu sarearekin, eta, horri esker, datuak trukatu eta haien artean komunikatzen dira. Bertan, sentsore eta gailu adimendunak hartzen dira kontuan, eta badute informazioa biltzerik, erabakiak hartzerik eta modu autonomoan jarduterik. IoTiraultza teknologikoa da, ingurunearekin nolako elkarreragina dugun eta makinek prozesuak eta zerbitzuak unean bertan nola hobetu ditzaketen eraldatzen du-eta.

Errealitate areagotua eta 5G

Errealitate areagotua eta 5G teknologia bateratzen baditugu, elementu birtualak unean bertan gainjarriko ditugu benetako munduan, eta 5Gren latentzia txikiko konektibotasun ezin azkarragoari aterako diogu onura. Hori dela eta, esperientziak murgiltzaileagoak eta dinamikoagoak dira; esate baterako, joko elkarreragileak, profesionalentzako unean bertako laguntza eta hezkuntzako nahiz entretenimenduko esperientzia aberatsagoak.

Mikroelektronika

Mikroelektronika elektronikako adarra da, eta zirkuitu elektronikoak fabrikatu eta diseinatzen ditu eskala ezin txikiagoan; eta, sarritan, mikrotxipen mailan ere bai. Bertan, hain zuzen ere, siliziozko olata bakar batean integratzen dira osagaiak. Teknologia emergente horren ondorioz, osagai elektronikoak miniaturizatzen direnez, txikiagoak, eraginkorragoak eta ahaltsuagoak dira gailuak.

ituser.es