Testuinguru horretan, Cisco enpresaren iritziz, erakundeak aldaketa iraunkorra bultzatuko duten teknologiak zein diren jakiteko gai izan beharko dira, honako hauexek kontuan hartuta:

Eragiledun eta pertsonalizazio nahiz eraginkortasun handiagoko AA. 2025ean, tresna ez ezik, laguntzailea ere izango da AA. Eragiledun AA proaktiboa izango da (erabiltzaileen sarrerak ikasbide izango ditu beti, eta testuinguruko informazioa integratuko du; esate baterako, kontuaren historiala, jokabide-ereduak eta lehenespenak). Hori dela eta, AAk pertsonalizazioaren eta eraginkortasunaren arloan egindako agindua beteko da. Hona hemen zenbait adibide: bezeroei zerbitzua emateko AA, kontsulta egin baino lehen erabiltzaileen premiak aurresaten dituena; sarea kudeatzeko AA, ustezko arazoak antzeman eta modu autonomoan konpontzen dituena; edo, era berean, AAko zenbait eragile, eskaria iragartzeko, entregak koordinatzeko eta hornitzaileekin ere negoziatzeko asmoz euren artean koordinatzen direnean hornikuntza-katearen kudeaketa automatizatzen dutenak.

Humanoideak, langile-taldeko kideak. AAk bultzatutako humanoideak etorkizuneko lanindarraren parte izango dira, eta, seguruenik, lehenengo kasua ikusiko dugu datorren urtean. Horren ondorioz, enpresek berriro asmatu beharko dute euren lantokietako dinamika, baita bultzatzen dituen teknologia ere. Esate baterako, ziurtatu egin beharko dute haien konektibotasunak itxarote-denbora egokia duela, humanoideen errendimendua datuak unean bertan prozesatzeko eta aztertzeko daukaten gaitasunaren araberakoa izango delako.

Zibersegurtasunak makina-eskalako gaitasunak beharko ditu. AAren goren uneak erronka handiak sorrarazten ditu zibersegurtasunaren arloan. 2025ean, enpresek euren estrategiak hobetu beharko dituzte, arrisku berriei aurre egin ahal izateko; esate baterako, injekzio azkarreko erasoak, bertan sarrera gaiztoak erabiltzaileek AAko sistema sortzaileetan emandako zilegizko azalpenak direla dirudiela kontuan hartuta.

Sareko automatizazioaren ondorioz, eskuzko erroreak desagertuko dira. Sareko etenaldien %40 baino gehiago zuzenean sortzen dira zuzenak ez diren konfigurazioen ondorioz. Izan ere, horiengatiko kostua urteko diru-sarreren %9rainokoa izan liteke. AAk bultzatutako tresnak behar bezala daude prestatuta, sarearen kudeaketa goitik behera aldatzeko. Izan ere, ikasi egiten dute, eta konfigurazio bakoitzaren erkaketa-ebaluazioak egiten dituzte, giza erroreak murrizteko eta jarduerarik ezaren iraupena azkar-azkar zerora hurbiltzen dela ziurtatzeko.

Sare energetikoak, jasangarritasunaren aldeko apustua. AAk energia-kontsumo handiak behar dituenez, karbonoaren isurietan daukate eragina. 2025erako aurreikuspenen arabera, AAn diharduten datu-zentroek erabilitako urteko energia-kopurua Holandaren tamaina daukan herrialdeak kontsumitzen duen bestekoa izango da. Erakundeek laguntza beharko dute, AAk bultzatutako aro honetan jasangarritasuna eta hazkuntza orekatu ahal izateko. Aurrerakuntza handietakoa ‘sare energetikoak’ izango dira, softwarearen bidez definitutako sareko gaitasunak bateratzen dituztelako korronte zuzeneko (KZ) mikrosareek osatutako energia elektrikoko sistemarekin. Horrela, isurien eta plataformaren (AAn oinarritutakoa) agerikotasun handiagoa eskaintzen da, eta energiaren erabilera, banaketa zein biltegiraketa hobetzen dira.

cisco.com