Eta hortxe dago SteriPack enpresa irlandarraren merkatua. Bere estrategia guztiz eraldatu ondoren, “gailu medikoen etorkizuneko lantegia sortzen hasi da robotika industrial super-aurreratua” erabiliz sentsorez hornitutako 10.000 metro koadrotan (2.000 metro koadroko gela zuriak barne), adierazi du konpainia horretako teknologia zuzendari den Alejandro Muñozek.

3D inprimaketa prototipoak egiteko eta produktuak diseinatzeko faseetan erabili izan da nagusiki. Muñozen arabera, sektore medikoa “ez aurrera eta ez atzera” gelditu da prototipatze eta produkzio laburren fabrikazioko fase horretan. Horregatik, SteriPack enpresak DLS (Digital Light Synthesis) teknologiaren aldeko apustua egin du, teknologia horren bidez kalitate handiagoko tirada luzeagoak fabrikatzeko eta, gainera, 3D inprimaketa tradizionalarekin baino merkeago. Muñozek dioenez, medikuntzan erabiliko den gailu bat fabrikatzeko material bereziak behar dira, adibidez, paziente batekin erabiltzeko bio-bateragarri izatea. Prozesu berritzaile honi esker posible da prototipoaz harago joatea eta urtean 10.000 eta 20.000 unitate bitarteko tiradak ekoiztea.

innovadores.larazon.es