Bostongo (AEBak) Ministry of Supply dendan isats-piano baten tamainako makina ehule bat dago ordaintzeko kutxaren ondoan. Lokalaren estiloa berezia da, oihalak fabrikatzeko zentro baten eta luxuzko boutique baten arteko nahasketa bat.

Eta Amam Advani enpresaren fundatzaileari jaramon egiten badiogu, baliteke denda hori izatea modaren industriaren etorkizuna. Shima Seiki enpresa japoniarrak ekoitzi du makina, eta gai da pieza bakarrean inprimatzeko jaka pertsonalizatu bat. Arropak osorik ehuntzeko prozesua deitzen zaio horri. Baina halako antza du 3D inprimaketarekin, ezen izena aldatu baitiote prozesuari: 3D puntua.
Funtsean, industriako makina ehuleak dira, baina hobetuak. Bere softwarea pertsonalizagarriagoa da, eta hardwarea zehatzagoa. Horregatik, argi dago gaitasun hobeak dituela. Baina makina berriaren abantaila garrantzitsuena da errazago programatzen dela. 2013an Knyttan izeneko Erresuma Batuko startup batek software propioa garatu zuen, eta software hura erabiliz, makina ehuleak gai ziren bezero batek imajinatutako edozein diseinu produzitzeko. Startup-aren arduradunek diotenez, jertse unitate bat ehuntzearen kostua edo diseinu bereko 50 bat produzitzearena berdinak izango lirateke. Knyttan enpresak arrisku kapitaleko milioika inbertsio jaso zituen ideia hura garatzeko, eta orain jertseak saltzeaz gain, softwarea zerbitzu gisa ere saltzen du, Unmade marka izeneko jertseak egiteko.

technologyreview.es