Nahiz eta pandemiak azkartu egin zuen industriaren eta enpresen digitalizazio prozesua, euskal industrien % 44,8k bakarrik baliatzen dituzte sare sozialak enpresaren helburuetarako.

Segidan, zerbitzu mugikorren erabilpena dator, % 32,6ko portzentajearekin.Hau da, 10 industriatik hiruk bakarrik erabiltzen dituzte enpresaren jarduerarekin eta produkzio-prozesuekin lotutako aplikazioak.Hirugarrenik lainoko zerbitzu informatikoak (CloudComputing) daude; enpresen % 23,3k ordaintzen dute ostatatze-zerbitzu hori, zeinak aukera ematen baitu enpresa baten informazioa edo zerbitzua eskuratzeko edonon kokatutako gailu mugikor edo finko bateko Internet konexioaren bidez.

Laugarrenzibersegurtasunarloko jarduerak daude,enpresen % 15,7ko portzentajearekin.Bestalde, Gauzen Internet (IoT)da(% 11,5eko portzentajearekin)euskal industria-sarean presentzia handiena duen 4.0 Industriako bosgarren adierazlea.

Jarraian portzentaje txikiagoak dituzten arloak ageri dira, hala nolarobotikaren erabilpena (% 7,4), makro-datuen analisia (Big Data) eta 3D inprimagailuen erabilpena (biak daude presente establezimenduen % 6,8an), eta adimen artifizialeko sistemen erabilpena (% 1,7).

eustat.eus