Klima aldaketa aurrera badoa, beharbada gizateriak hogei bat urte baino ez ditu izango existitzen ez diren materialak aurkitzeko: karbonoa modu azkar eta merkean atzemateko balioko duten molekulak eta litiozkoak ez diren bateriak (metal hori erauztea oso zaila eta garestia baita), energia berriztagarrien hornikuntza globala biltegiratzeko.

Helburua da hilzorian dagoen materialen industria suspertzea teknologia berriak aplikatuz deskubrimendu-prozesuan: simulazio digitalak, robotika, datuen zientzia, adimen artifiziala (AA) eta baita ere konputazio kuantikoa.

Imajina itzazue diseinu berriak sortzeko molekulen egitura elektronikoari buruzko ezagutza zehatza baliatzen duten programa informatikoak, eta molekula horiek fabrikatu eta sortuko dituzten robotak.Eta imajina ezazue softwareak eta robotek batera egiten dutela lan, molekulak probatuz, diseinuak egokituz eta dena berriro probatuz, harik eta nahi ditugun propietateak izango dituen material bat sortu arte.

Horixe da asmoa.Horra iristea beste kontu bat da.Molekulen egiturak izugarri konplexuak dira, eta sintesi kimikoa askotan arte bat da zientzia bat baino gehiago, horregatik, oso zaila da prozesua automatizatzea.Baina AAn, robotikan eta konputazioan lortutako aurrerapenek suspertu egin dute ikuspegi hori.

technologyreview.es