Andrew Ng-k (Google Brain-en atzean dagoen adimen bikaineko giziona) zuzendutako Landing AI enpresak eta Baidú enpresako AA taldeak algoritmo bat diseinatu dute, zeinak pertsonei abisatzen baitie distantzia soziala errespetatzen ez badute.

Sistema honek bideo kamera bat erabiltzen du, beraz, aplika daiteke lantokietan, horrela bermatzeko ez dela beste inor kutsatzen. Algoritmoak pertsonak detektatzen ditu eta lerro gorri bat marrazten du elkarren arteko distantzia ez bada segurua; aldi berean, alerta bat bidaltzen du egoeraz ohartu daitezen.

Enpresak AA honen ezaugarrietako batzuk partekatu zituen duela egun batzuk. Garrantzitsuena da sistema kalibratu egin daitekeela segurtasun-kamera batera egokitzeko. Bezeroek eurek definitu dezakete zein espaziotan mugitzen diren (azalera) pertsonak, lau puntu aukeratuz tresna batean. Ondoren, sistemak doikuntza horiek aplikatuko ditu kamerak hartzen duen irudian.

AAk oinezkoak detektatzeko kode irekiko sare bat erabiltzen du lauki bat marrazteko pertsonen inguruan. Espazioa kalibratzean eskuratutako datuekin jakin daiteke non dauden erabiltzaileak, eta posizio hori denbora errealean eguneratzen da erabiltzaileak mugitu ahala.

Distantzia soziala errespetatzen duten pertsonak lauki berde baten barruan agertzen dira. Aldiz, lauki gorri baten barruan sartuko ditu neurri hori urratzen dutenak, bien arteko distantzia mugatzen duen lerro batekin.

hipertextual.com