Automozio arloko enpresek dagoeneko probatu dituzte exoeskeletoak. Halaber, hasi dira sortzen merkatu-gaiak garraiatzeko lehen itsasontzi autonomoak, bai eta elikagaiak eta paketeak banatzeko robotak.

ESIC Business & Marketing School-eko Ekonomia Digitaleko Institutuak (Icemd) Coolhunting Group taldearekin eginiko ikerketan aztergai hartu ditu robotika, adimen artifizial eta eraldaketa digitalaren arloetako azken berrikuntza adierazgarrienak.

Herritarrek eta enpresek errezeloz begiratzen diote automatizazio eta adimen artifizialaren goraldiari, baina PwC aholkularitzak 27 herrialdetako lan-merkatua aztertu ondoren kaleratu duen Will robots steal our Jobs azterlanak erakutsi du Espainiako enplegu guztien %3 bakarrik egongo direla arriskuan horrelako sistemen ezarpenarekin. Izan ere, teknologia eta tresna digitalez gain, behar-beharrezkoak dira pertsonak, eurak direlako sormena dutenak, lankidetzan jardun dezaketenak, eta analisi-gaitasuna, jakin-mina edo enpatia dutenak.

Hortaz, ez zaio beldurrik izan behar adimen artifizialari, baina komeni da hurbiletik jarraitzea berrikuntza guztiei, helburutzat baitute pertsonen bizitza hobetzea. Robotizazioa bere txokoa egiten ari da sektore guztietan: osasunean, hezkuntzan, etxe konektatuan, mugikortasunean, logistikan, nekazaritzan, elikaduran, retail sektorean eta automozioan.

diraiodeleon.es