Hori hasiera baino ez da, ordea. Gaur egun, aditu gehienek 4.0 industria dute hizpide, laugarren iraultza industriala omen da eta, bertan, ikaskuntza automatikorako algoritmoeksistema autonomoak sortzen dituzte, lantegi adimenduna egia bihurtzeko asmoz.

AAko algoritmoaren diseinuak zeregina berariazko jarraibiderik erabili gabe egiteko modu onenaikastea du xede. Jarraibide horien ordez, beraz, sarrerako eta atzeraelikadurako datuak darabiltza eredua garatzeko, eta, sarritan, saiakuntzako zein errakuntzako milioika errepikapen egiten ditu horretarako.

Fabrikaziorako AAko sistemek antzera erabili dezakete ikaskuntza autonomoa. Mitsubishik, esate baterako, robotei zeregin berriak irakasten dizkien AAko sistema garatu du, saiakuntzaren nahiz errakuntzaren bidez ekintza egokiak egiteko gai izan daitezen.

Gaur egun, fabrikaziorako AAko aplikazio ohikoenek kalitatearen kontrola eta mantentze-lan igarlea dituzte helburu. Enpresa askok ekoizpenean, produktuen garapenean eta hornikuntza-katearen kudeaketan ere badarabilte.

Mantentze-lan igarlean, AAko sistemek hainbat eta hainbat makinatako eta sistematako datuak kontrolatzen dituzte ustezko arazoen zantzu goiztiarren bila. Lantegian geldialdiak prebenitzeko neurriak ere hartu ditzakete.

Bridgestone gurpil-ekoizle japoniarrak sentsore bidezko AAko tresna darabil, 480 elementu fisiko desberdin ikuskatzeko eta gurpil guztiak baldintza egokietan mihiztatzen direla bermatzeko.

AA gero eta gehiagotan erabiltzen da diseinatzeko prozesuan eta, batez ere, fabrikazio eransgarrian (3Dko inprimaketa). Diseinu «sortzailean», adibidez, AAko algoritmoak egin beharreko diseinuaren helburuak eta parametroak jasotzen ditu (materialak eta kostuen murrizketak, esaterako), eta, gero, milaka diseinu-aukera desberdin probatzen ditu onena aurkitzeko.

AAko sistemak garatzea oso-oso zaila izan daiteke, eta ematen zaizkien datuak bezain onak baino ez dira izango. Oraindik ere, enpresa askok ez dute behar besteko esperientzia-mailarik, euren fabrikazio-sare osoan AAko irtenbideak ezartzeko.

Orain arte, AAk fabrikazioan dituen erabilera gehienek «kapotpean» egiten direnez, kontsumitzaileek ez dituzte ez ikusten ez probatzen. Dena dela, aldatzear dagoen zerbait da hori.

ielektro.es