Handiki teknologikoaren aurreikuspenen arabera, etorkizun hurbilean online dagoen edonork eduki ahal izango du AA bidez bultzatutako laguntzaile pertsonala, eta gaur egungo teknologiaren gain-gainetik egongo da, gainera.

“Eragilea” kontzeptua lagungarria izango da hizkuntza naturalari erantzuten dion eta erabiltzailearen inguruan daukan ezagutzan oinarritutako hainbat zeregin egiten dituen software-mota hori deskribatzeko orduan.

Osasunaren arloari dagokionez, handiki teknologikoak ikusten duen etorkizunean, eragileek pazienteei lagunduko diete oinarrizko triajea egiten, osasunari buruzko aholkuak lortzen eta tratamendurik bilatu behar duten erabakitzen.

Horrez gain, osasun-langileei lagunduko diete erabakiak hartzen, eta, horren ondorioz, emankorragoak izango dira. Edonola ere, argi eta garbi dio eragile kliniko horiekezartzeko denbora beharko dela, oso-oso garrantzitsua delako bete-betean asmatzea. Izan ere, horren eraginpean egongo da pertsonak bizitzea edo hiltzea.

Gatesek iragarri duenez, AAko eragileek hezkuntzan bertan ere izango dute eragin esanguratsua. Ez du aurreikusten teknologia horiek irakasleak ordezkatuko dituztenik, baina irakasleei lagunduko diete hezkuntza bera pertsonalizatzen, eta zeregin administratiboetatik askatuko dituzte. Eragileei esker, ia-ia familia guztiek izango dute banakako hezkuntza pertsonalizatua eskuratzeko aukera, orain arte hori gutxi batzuek bakarrik lortzen dutela kontuan hartuta.

Enpresariak ziurtatu duenez, AAko eragileak emankortasunerako ere izango dira oso-oso onuragarriak. Bere ustez, etorkizunean, gizabanako bakoitzak zenbait zereginetan lagunduko dion laguntzailea izango du. Gatesen iritziz, eragile horiek enpresetan ere integratuko direnez, etengabeko laguntza emango diete langileei, eta erabakiak hartzen eta zereginak betetzen lagunduko diete.

Azkenik, AAko eragileek entretenimendua eta erosketak ere eraldatuko dituztela uste du teknologiako ameslariak. Eragileek produktuen ikuskapenak irakurri eta laburtu ahal izango dituzte, pertsonalizatutako gomendioak egin ahal izango dituzte eta kontsumitzaileen izenean jarri ahal izango dituzte eskaerak. Banakako interesen eta lehentasunen arabera esperientzia pertsonalizatzeko gai izango direnez, komunikabideetako plataformekin elkarreragiteko daukagun modua aldatuko da.

infobae.com