Adituek hainbat konponbide proposatu dituzte eta horietako batzuk dira etiketa adimendunak, gai direnak produktu baten benetako egoeraren berri emateko. Etiketa belaunaldi berri bat izango da, sentsoreen gaitasunak eta kolore kode bat izango dituztenak, hala, posible izango da jakitea, adibidez esne kaxa baten kasuan, egoera onean dagoen (berdea) ala ez dagoen kontsumitzeko moduan (gorria). Baina sistema harago doa, eta graduazioak ere onartzen ditu, produktuak isurtzen dituen gas eta osagaiak aztertuz jakin baitezake zein neurritaraino dagoen helduta produktu hori. "Estatu Batuetako supermerkatuetan hasi dira erabiltzen, adibidez ontziratuta datozen fruta edo okelekin", dio Sergio Giménezek, Plastikoaren Institutu Teknologikoko (Aimplas) negozio sailaren arduradunak.

Teknologia hori Beijingeko Unibertsitatean egin den ikerketa-lan baten emaitza da. Amerikako Kimika Sozietateak aurkeztu zuen duela pare bat urte eta helburutzat zuen botoi edo partxe batzuk jartzea produktuaren ontziaren gainean. Ikerketak aurrera egin du, eta OnVU edota ripeSense bezalako enpresak ere hasi dira horrelako etiketak merkaturatzen, modu adimentsuagoan kontsumitzeko eta jakirik ez xahutzeko. Noiz iritsiko da teknologia hori hona? Giménezek dio oraindik denbora asko falta dela, produktu baten egoerari buruzko gehiegizko gardentasuna hesi bihurtu baitaiteke banatzaileentzat, eta, bestalde, kontuan izan behar da etiketa adimendunek kostu gehiago ekarriko luketela.

elmundo.es