Lars Berglund zientzialari suediarrak –Stockholmeko Teknologiako Errege Institutuko Wood (KTH) Science Center-eko irakasleak- munduko lehen egur garden eta biodegradagarria sortu du, zeina etorkizuneko eraikuntza-material bihurtu bailiteke. Horretarako, egurrari zurruntasuna eta opakotasuna ematen dizkion osagaia ezabatu du eta lortu duen substratua polimero garden batekin blaitu du. Horrela lortu du zurruntasunean egurraren antzekoa den material bat, baina argiari pasatzen uzten diona eta, gainera, beroa xurgatzeko gai dena.

Egur gardena erabiltzeak izan dezakeen ondorio zuzenetako bat da beroa xurgatzeko gaitasuna, eguzkitan dagoen kristalezko eraikin batean sentitzen den bero itogarriaren kontrako sentsazioa sortzen baitu. Egur hori erabiliz, eraikuntza-sektoreak klimatizazio egoki bat lortzearen kostuak aurreztuko lituzke eta eguzki-energia garatzen lagunduko luke. “Egur gardena material egokia da azalera handiko eguzki-xafletan erabiltzeko, kostu baxukoa delako, eskuratzeko erraza eta berriztagarria” adierazi du Berglund-ek.

elpais.com