Hegazkin horrek “haize ionikoa” izeneko propultsio-sistema bat darabil eta baliteke hori izatea “etorkizuneko hegazkin isil eta garbiagoetara” iristeko bidea, dio aldizkariak editorial batean.

Gainera, Nature aldizkariak aurreratu duenez, MITeko lantaldearen lorpenak “konparaketak sortuko ditu ezinbestean” Wright anaiek duela ia 115 urte egin zuten lehen motordun hegaldiarekin.

Steven Barrett-ek (MITeko aeronautika eta astronautikako irakasle laguntzaileak) eta bere lankideek diseinatu duten hegal finkoko hegazkinak 5 metroko zabalera du eta 2,45 kilo pisatzen ditu.

Barrett-ek diseinatutako hegazkin honek hainbat alanbre fin dauzka hegalaren aurrealdean, karga positibodun elektrodo bezala funtzionatzen dutenak, eta atzealdeko kable lodiagoek, berriz, elektrodo negatiboen lana egiten dute.

Bestalde, hegazkinaren fuselajeak litiozko polimeroz eginiko bateriak dauzka, zeintzuek argindarra igortzen baitute elektrodoetara 40.000 voltioko abiaduran, aire ionizatuzko molekulak mugiaraziz “haize ionikoa” sortzeko.

deia.eus