Automatizazioa ezinbestekoa izango da horretarako. Eta, era berean, erabateko automatizazioa lortzeko ezinbestekoa izango da eztabaida publiko bat gainditzea. Horregatik Amazon -ek isilpean gorde zuen azken unera arte bazuela esku artean entrega-robot autonomoen lehen flota. Scout, Amazon -en robota, proba bezala abiarazi zen munduak existitzen zela ezagutu orduko.

Hain izan zen harrigarria ibilgailu autonomo txiki hori gure hirietako kale eta espaloietan ikustea, ezen Washingtoneko legegileek eztabaida bat hasi behar izan baitzuten hirietako entrega-robotak nola arautu aztertzeko. Momentuz, Amazon Scout robota kaleetan dabil bere arau propioak betez, oraindik ez dagoelako berari buruzko araudirik.

Baina Scout robota planaren zati bat baino ez da. Txikizkako salerosketa-prozesu guztia automatizatu nahi izatea ez da ahuntzaren gauerdiko eztula: KPMGk esan du auto autonomoei esker bidalketak azkarragoak eta merkeagoak izango direla, eta McKinsey-k kalkulatu du teknologia horrekin posible izango dela kostuen %40 aurreztea, modu tradizionalean egiten diren entregekin alderatuta.

economiadigital.es