Parques Reunidos taldeko lehen Aquariuma Indoor konplexu batean dago (Xanadú), Arroyomolinosen (Madril) eta erabilpen bakarreko plastikoen zuzentarau erkideari egokituko zaion lehena izango da Espainian, helburutzat duelarik publikoa kontzientziatzea itsasoko bioaniztasunean eta elikadura-kate osoan eragin larria izaten ari den mehatxu baten inguruan. Hala, Atlantis Aquarium-ek bere estrategia arduratsua inplementatu du bere instalazioetan, xedetzat hartuz itsaso eta hondartzetan sarrien aurkitzen diren erabilpen bakarreko 10 plastikozko produktu desagerraraztea, horrela itsasoko zaborra murrizteko.

6.000 m2 inguruko azalerarekin eta 2.300.000 litro ur inguruko edukierarekin, Atlantis Aquarium-ek aukera ematen du itsasoko bio-aniztasunari buruz ikasteko ikasle eta familiei zuzendutako bisiten bitartez eta abangoardiako teknologia darabilten jolas eta erronkak eskainiz, beti ere helburu honekin: planeta sostengarriago bat lortzea keinu sinpleekin eta hezkuntzaren eta ikaskuntzaren bitartez.

Atlantis Aquarium-ek gonbit egiten dio bisitariri bidaia berezi bat egitera. Bidaia horren abiapuntuan meteorito bat eroriko da Madrilen eta murgilduta bizi den etorkizuneko zibilizazio baten mezu bat ekarriko du berekin. Mezu horrek ohartaraziko digu nolako ondorioak izan ditzakeen klima aldaketak ez badugu zerbait egiten berehala.

Hortxe hasiko da bidaia, planetako itsas-ekosistema garrantzitsuenetan barrena, non 150etik gora espezie desberdinetako 10.000 animalia inguru bizi baitira: arrain tropikalak, koralak, medusak eta aski ezagunak diren espezieak ere bai, esaterako boba dortoka (Caretta caretta), papua pinguinoa (Pygoscelis papua) edota marrazo grisa (Carcharhinus plumbeus). Ekosistema horien (hasi mangladietatik eta koralezko uharrietara, hondo abisaletara eta Antartidara) osagarri gisa, badaude hainbat proba interaktibo, aukera ematen dutenak olatu baten indarra sentitzeko, arrantza sostengarrirako aholkuak jarraitzeko edo plastikoak birziklatzeko, itsasoko animaliarik hil ez dadin.

Eta baita ere badago aukera abangoardiako teknologia erabiltzeko: Errealitate Birtualarekin marrazo artera murgiltzeko esperientzia zirraragarria biziko dugu eta Errealitate Handituak Hego Poloko espezie liluragarrienetako batzuengana hurbilduko gaitu.

youtube.com