Zer gertatuko den ez jakitea edo tratamendua jasotzeko gelan bakarrik egon beharra ez da egoera egokiena gaixotasun bat gainditzeko. Konparatu ezin badaiteke ere, eskanerra erabili behar duten teknikarien egoera ere ez da erraza: berrikuntzak eta teknologiak manipulazio modu berriak dakartzate, eta batzuetan ez dira batere sinpleak, ez eta intuitiboak.

Dagoeneko erabilpen medikorako baliozkotuta dagoen arren, Nafarroako Klinika Unibertsitarioan (CUN) hainbat aste daramatzate eskaner berria probatzen eta, horregatik, Gorka Bastarrika Erradio-diagnostiko Zerbitzuko burua Suitzan egon da. Doktore nafarrak ekipo berriaren abantaila garrantzitsuenak nabarmendu ditu, besteak beste, hauek: “TAC sistemak azken urteotan izandako bilakaeraren abantaila guztiak dauzka: dosi murritzagoak, irudiaren kalitate hobea, zehaztasun handiagoa eta teknika aurreratuagoak erabiltzeko aukera ere bai, esaterako, irudi espektrala”.

Era berean, Somaton X.cite makinan dena dago adimen artifizialean oinarrituta. 3D kamera bat du, zeinak pazientearen anatomia ezagutzen baitu ohatilan etzaten denean; hala, erradio-dosia hobeto kalkulatu daiteke. Hain zuzen, kamerak hasieratik ezagutzen du pazientearen anatomia, horrela dosia askoz modu zehatz, indibidualizatu eta pertsonalizatuagoan kalkulatu daitekeelarik.

innovaspain.com