Auto autonomoak merkaturatzeko lasterketan parte hartzen ari diren enpresa gehienen iritziz, LIDAR sentsoreak funtsezkoak dira. Tesla da salbuespen bakarra, zeinak erabaki baitu kamerak eta radar sistemak bakarrik erabiltzea. Radar sentsoreen ikusmena ez da oso zehatza, eta kameren errendimendua ez da ona argi gutxi dagoenean edo isla asko daudenean.

Baina gidatze autonomoko teknologien aurrerapena hain izan da azkarra, ezen industria berriaren barruan desfase bat baitago LIDAR sentsoreen inguruan. Lehenago horrelako sentsoreak fabrikatzea eta merkaturatzea negozio nitxo bat zen, baina egungo teknologiak oraindik ez du heldutasunik lortu milioika autotako osagai estandar bihurtzeko.
Arazoa oso agerikoa da, nahikoa da edozein ibilgailu autonomoren prototipo bat aztertzea ikusteko LIDAR sentsoreek espazio asko okupatzen dutela. Horregatik, Waymo enpresa (Alphabet gidatze autonomorako besoa egin duena) probatzen ari den ibilgailuek kupula beltz erraldoi bat dute gainaldean, eta Toyota eta Uber enpresen modeloek, berriz, gaileta lata baten tamainako dispositibo birakariak dituzte.

technologyreview.es