Sistema horren funtzionamendua -oraindik ikerketa fasean dagoena- Plos One aldizkarian argitaratu da, Madrilgo Unibertsitate Politeknikoko (UPM) ikertzaileen zuzendaritzapean idatzitako artikulu batean. Tomás Mantecónek -artikuluaren lehen egileak- eta Narciso Garcíak -taldearen koordinatzaileak- Efe agentziari azaldu diote gizaki eta makina arteko elkarregina hobetzen duen “demostratzaile teknologiko” bat dela.

Sistema “Leap Motion” gailuan inspiratuta dago. Gailu hori badago merkatuan eta gai da erabiltzaileen eskuen mugimendua erregistratzeko eta, saguak egingo lukeen bezala, hainbat ekintza gauzatzeko -ukimena erabili gabe- ordenagailuan, esaterako, marraztu edo aplikazioa aldatu. Horretarako, sakontasun mapak sortzen ditu, hau da, objektua (kasu honetan eskua) dagoen tokirainoko distantzia neurtzen du. Sistema garatzeko, UPMko Telekomunikazio Ingeniarien Goi Mailako Eskola Teknikoko Irudien Tratamendu Taldeko ingeniariek “keinuen hiztegi” bat sortu dute, gizaki eta makina arteko balizko elkarreraginen kopurua eta konplexutasuna emendatzeko. Datu-base horri esker, errekonozimendu-sistema erabil daiteke ingurune profesionalago batean robotekin eta ordenagailuekin elkarreragiteko, eta baita ere errealitate birtualeko eta handituko inguruneetan edo domotikako inguruneetan, etxe konektatu bateko gailuekin elkarreragiteko.

20minutos.es