Keeley-k (Ten Types of Innovation liburuaren egile ere badenak) azaldu zuen antolakundeek huts egiten dutela arlo honetan, “okerreko puntuan zentratzen direlako. Uste dute sormena dela gakoa, baina berez diziplina kontu bat da”.

Berrikuntzari buruzko uste zabalduenetako bat da pentsatzea berrikuntza teknologian zentratzen dela, baina hori ez da horrela adituaren arabera. “Asko harritu egingo dira, baina berrikuntza eta teknologia ez dira gauza bera. Teknologia berrikuntza garrantzitsu baten zati txiki bat baino ez da”.

Orduan, zer da berrikuntza? “Normalean zailak diren gauzak erraztea, edo sektore baten funtzionamendua guztiz aldatzea.

Keeley-k, zeina maisua, hitzaldi-emailea eta ikertzailea ere baden, “jakin nahi du zeintzuk diren berrikuntzaren porrotaren arrazoiak, berrikuntza inplementatzeko modu arrakastatsuagoak bilatzeko”. Bere iritziz, gure garaiko berrikuntza handienak hiru faktore hauen arteko konbinazio bat dira:

Kulturalki cool dira: Kulturalki cool izateak esan nahi du zerikusia duela jendeari axola zaion zerbaitekin. Hori lortzeko gizarte zientzietan oinarritu beharra dago.

Teknikoki dotoreak dira: Hemen sartzen da teknologia, ezin dugulako ahaztu guztiz konektatutako mundu batean bizi garela. Kontua da gure bizitza erraztuko duen produktu edo zerbitzu bat eskaini behar dela eta, behin kontsumitzaileak produktu edo zerbitzu hori deskubritutakoan, beretzat zaila izan dadila hainbarik bizitzea (horixe gertatu zen Uber enpresarekin).

Bidezko eredu komertziala dute: Kontsumitzaileak ikusten badu antolakunde baten eredu komertziala bidezkoa dela, gusturago sentitzen da produktu edo zerbitzu hori erabiltzean.

expansion.mx