Henry Chesbrough-ek izena eta zentzua eman dio berrikuntza irekia terminoari; berrikuntza irekiaren arabera, enpresek, beren teknologian aurrera egin nahi badute, ez bakarrik posible dute kanpoko ideiak erabiltzea, baizik eta erabili egin behar dituzte, eta baita ere barruko ideiak eta merkatura iristeko barruko zein kanpoko bideak. Berrikuntza irekiak kanpoko eta barruko ideiak uztartzen ditu arkitektura eta sistemetan, zeintzuen eskakizunak negozio-eredu batek definitzen baititu.

Urrats bat atzera eman eta beste perspektiba batetik begiratuta, Chesbrough-ek ikusi zuen patroi zabalagoak identifikatu zitzakeela konpainia desberdinetan. "Ikusi nuen konpainia txikiagoak gehiago irekitzen zirela", esan du. Aldiz, enpresa handiagoak itxiagoak dira, eta integrazio bertikal handiagoa dute, beren jarrera monopoliorantz orientatuta dago, eta ahalegin handiagoa egiten dute beren negozioa babesteko, berri bat hazteko baino. "Orduan hasi nintzen irekieraren ideia gorpuzten", esan du kontzeptua nola sortu zen gogoratuz.

Orain, Chesbrough Brasileko Berrikuntza Irekiaren Zentroko presidente ere bada. Negozioen eta ikerketa akademikoaren arteko etenak geldiarazi egiten du berrikuntza, esan du. Adituak dio hutsune hori betetzeko bi eragileen arteko topaketak sustatu behar direla. Horrela errazagoa da akademia munduko jendeak industriaren erronkak identifikatzea. Eta gainera, konpainiek ere informazio gehiagorekin identifikatzen dituzte konponbideak.

elmundo.es