Hona hemen sektorea iraultzen ari diren eta eraikuntzaren etorkizunean ezinbestekoak izango diren hainbat berrikuntza teknologiko:

3D inprimaketa

Metodologia berritzaile honek hainbat abantaila eskaintzen ditu, eta aukera ematen du eraikuntza-lanak azkar eta zehatzago egiteko eta diseinu konplexuagoak erabiltzeko.Baita ere laguntzen du funtzioak hobeto integratzen eta eraikuntza-prozesuko hondakinak nabarmen murrizten.

Makinen alokairua digitalizatzea

Digitalizazioari esker alokatzeko prozesua erraza eta errentagarria bihurtu da, aukera ematen baitie alokairuko enpresei 360 graduko zerbitzu bat eskaintzeko. Zerbitzu horrek eraikuntzaren sektorearen hazkundea bultzatuko du punta-puntako teknologia erabiliz, bai bere makinetan, eta bai egungo merkatuaren eskakizunetara egokitzen den lan egiteko era berritzailean.

Material jasangarriak

Jasangarritasuna da sektorearen erronka handienetako bat, eta tekniken berrikuntzak berekin ekarri ditu hainbat hobekuntza, hala nola teila sintetikoak, zuntzezko panelak, adreilu ekologikoak, eguzki-pintura eta beste hainbat metodo. Hobekuntza horiei esker, eraikuntzak, orain arte industria kutsagarrienetako bat izan denak, inpaktu txikiagoa izango du.

IoT

IoT-k goitik behera aldatzen du eraikinen ekosistema, eta aldaketa hori diseinutik bertatik hasten da.BIM eredua, eraikin ekologikoak, aurrefabrikazio adimenduna eta eraikuntzaren kudeaketa adimenduna; Gauzen Internet berritasun horiekin ari da aldatzen eraikuntzaren sektorea.

Drone bidezko eraikuntza

Droneekin posible da informazioa eskuratzea modu azkar eta eraginkorrean, eta horrek beste ikuspegi batzuk ematen ditu eraikuntza prozesuan.Nagusiki topografia eta ikuskapen lanetarako erabiltzen dira eraikuntzaren industrian.

Drone batekin aireko azterketa bat egitean, angelu desberdinetatik aztertu daitezke lurra eta eraikinak, euren ezaugarriak eta koordenatuak.

BuildingInformationModeling (BIM)

“BuildingInformationModeling” da eraikin bat diseinatu, eraiki eta operatzea 3D ereduen sistema koherente bat erabiliz, diseinu-irudi bereiziak erabili beharrean.Horrela denbora eta kostuak aurrezten dira, eta proiektuen eraginkortasuna hobetzen da, izan etxe-orratzak, ospitaleak, bulegoak edo izan bizitokiak.

BIM ez da soilik software bat edo 3D eredu bat.Ereduko elementuez gain, bere baitan gordetzen du proiektuari buruzko informazio guztia, eta aukera ematen du informazio hori trukatzeko prozesuan inplikatutako beste alderdi batzuekin. Orain arte erabiltzen ziren metodologiekin ez zen posible halakorik egitea, artxibo formatu anitzak eta prozesu deskonektatuak erabiltzen zituztelako, eta prozesu horiek desinkronizatu egin zitezkeelako aldaketak egitean.

Robotika

Nahiz eta eraikuntzaren sektorea ez dagoen oso automatizatuta, eta nahiz eta nagusiki gizakiaren asmamenaren menpe dagoen, merkatuan dagoeneko badaude eraikuntzako profesionalei laguntzeko diseinatutako hainbat robot.Gero eta argiago dago robotikak potentzial handia duela eraikuntzaren industria goitik behera aldatzeko eta abantaila ugari eskaintzeko, esaterako, produktibitate handiagoa eta denboraren optimizazioa, eta, bereziki, zehaztasuna, segurtasuna eta azkartasuna.

elidealgallego.com