Goi-mailako eta erdi-goi mailako teknologiaren (SAT) sektoreak oinarri teknologiko sendoa duten jarduerak hartzen ditu, eta, askotan, ezagutza azkar berritzea eskatzen dute. Hazkunde ekonomikoaren katalizatzailea izateaz gain, produktibitatea hobetzen duen rola dela eta, sektore horrek eragin nabarmena du gizarte-ongizatean.

Bizkaiko goi-teknologiako sektorearen magnitude nagusiak

Sektore horrek 39.418 lanpostu sortu zituen Bizkaian, Euskal Autonomia Erkidegoan zeuden 98.536 lanpostuetatik; eta jarduera horiek egin ziren enpresen kopurua 2.560 izan zen (EAE osoaren % 52.6), eta enpresa horiek 7.981 milioi euro fakturatu zituzten (24.979 EAE osoan).

Era berean, sektore honek kanpoko ondasun-merkataritzan duen eragina ez da bereziki esanguratsua. Bizkaian, esportazioak 435 milioi eurokoak izan ziren (1.009,4 EAEn), eta inportazioak, berriz, 272 milioikoak (32.721,6 EAEn); Bizkaiko esportazio eta inportazio guztien % 3,2 eta % 3,0, hurrenez hurren.

Sektore horretako I+Gko langileei dagokienez, azpimarratzekoa da 2022an 4.023 pertsona, hau da, % 67,5, I+Gko dedikazio osoko langileak zirela (EDP); EAEn, berriz, 11.076 pertsona, hau da, % 71,8. Bizkaian, 4.023 EDP pertsona horietatik, %34,1 emakumeak dira, eta datu hori EAEkoaren oso antzekoa da (%32,4).

Bestalde, sektore honek kanpoko ondasun-merkataritzan duen eragina ez da bereziki esanguratsua. Bizkaian, esportazioak 435 milioi eurokoak izan ziren (1.009,4 EAEn), eta inportazioak, berriz, 272 milioikoak (32.721,6 EAEn); Bizkaiko esportazio eta inportazio guztien % 3,2 eta % 3,0, hurrenez hurren.

Jarduera berritzailea goi- eta erdi-goi - teknologiako enpresetan

Goi-mailako eta erdi-goi -mailako teknologiako sektoreko enpresen % 10,1ek I+Gko jarduerak egiten ditu Bizkaian, eta EAEn, berriz, % 13,1ek. Ehuneko hori sektore guztietakoa baino askoz handiagoa da (% 1,1).

Produktu edo zerbitzuetan eta/edo prozesuetan berrikuntzak arrakastaz egin dituzten establezimenduen kopuruari dagokionez, I+Gn gertatzen den bezala, alde nabarmenak daude sektore guztien eta goi-mailako eta erdi-goi- mailako teknologiako sektoreen artean. Hala, Bizkaian, 2022an, sektore horretako establezimenduen % 37,8 eraberritzaileak izan ziren[1]. Jauzia 10 langile edo gehiago dituzten enpresetan gertatu da, non ehuneko hori % 57,2ra iritsi baitzen.

Halaber, argi dago goi- eta erdi-goi- mailako teknologiako sektoreak gainerako sektoreek baino baliabide gehiago bideratu zituela I+G+Brako. Zehazki, Bizkaiko goi-mailako eta erdi-goi- mailako teknologiako enpresen berrikuntza-intentsitatea[2] % 7,29koa da (EAEko handiena da, batez bestekoa % 6,29koa baita). Bizkaiko barne[3] I+Gren kasuan, ratioa % 4,09koa da sektorearentzat, EAEn baino handiagoa, % 3,77koa baita.

Azkenik, informazio- eta komunikazio-teknologien (IKT) eta merkataritza elektronikoaren erabilera zabalduago daude sektore horretako enpresetan sektore guztietan baino. 2022an, sektore horretako establezimenduen % 53,6k ‘merkataritza elektronikoa’ egin zuten. Kopuru horiek EAEko enpresen oso antzekoak dira; izan ere, sektore horretako enpresen % 54,4k “merkataritza elektronikoa” egin zuten, eta sektore guztietan egin zutenen % 28,7k.

[1] Establezimendu berritzaileak: produktuan edo zerbitzuetan berrikuntza eta/edo prozesuetan berrikuntza egin dutenak; horrek ez du esan nahi martxan dauden edo arrakastarik ez duten berrikuntzak dituztenik.

[2] Berrikuntzaren intentsitatea: jarduera berritzaileen gastua / negozio-zifra.

[3] Barne I+Gko intentsitatea: barneko I+Gko gastua / negozio-zifra.