EmoPose aplikazioarekin posible da pertsona baten egoera emozionala detektatzea bere gorputz-jarrera aztertuta. Aplikazio hori ikerketa-talde batek diseinatu du, zeinetan parte hartzen duen Madrileko Complutense Unibertsitateak (UCM).

Experts Systems with Aplications aldizkariak dio tresna honek gorputz-jarrerak sailkatzen dituela (erabiltzaileak berak 3Dn diseinatuak) zazpi multzotan: oinarrizko sei Ekman emozioak (haserrea, nazka, beldurra, zoriona, tristezia eta sorpresa) eta egoera neutrala.

EmoPose aplikazioak avatar batekin funtzionatzen du; erabiltzaileak bere oin, buru, belaun, ukondo eta begirada ere manipulatu ditzake modu erraz eta intuitiboan. Aplikazio horrekin berdin aztertu daiteke, adibidez, eskuak nola dauden, “frogatuta baitago eskuek harreman zuzena dutela emozioekin”. Hala, irekiera gradu desberdinak konfiguratu daitezke: ukabilak, esku irekiak edo erlaxatuak tarteko postura batean.

Helburua da erabiltzaileak kontzientzia handiagoa izatea bere gorputz-jarrerei, bere emozioei eta elkarren arteko harremanari buruz, lehen biak hobetu ahal izateko. Hainbat ikerketak diote gorputz-jarrera batzuk hartzeko ohitura izatea lagungarri izan daitekeela hainbat emozio zuzentzeko, eta alderantziz.

agenciasinc.es