I+Gk BPGarekiko izandako jaitsieraren ondorioz, Espainia oso urrun dago 2020rako ezarritako helburutik, hau da, barne produktu gordinaren %2 ikerketara eta garapenera bideratzetik.Inbertsioa %1,19 murriztu zen 2016an, aurreko urtean baino hiru ehunen gutxiago, eta urrun dago 2010ean lortutako %1,40tik.
2008tik aurrerako datuak kontuan hartuta, 2016an-txostenak aztergai duen urtean- hazi zen gehienI+G-n diharduten enpresen kopurua, eta COTEC-ek dio enpresa horiek konpentsatzen dutela atzerantz doan inbertsio publikoa. Dena den, EBko herrialdeak ez bezala, azken urteetako jaitsieraren eraginezEspainia ez dago jada enpresa-inbertsioaren hazkunde sostengatuaren bidean.

Txostenaren aurkezpenean azpimarratu da azken urteotako murrizketak areagotu egin direla aurrekontuen exekuzio-mailak ere behera egin duelako; halaxe erakusten dute zenbakiek, I+G-ko inbertsio publikoak %60ko jaitsiera izan baitu 2009tik 2016ra bitartean, 8.476 milioitik 3.182 milioira.

Datu positiboen artean, txostenak dio hazi egin dela I+G-ko jarduerak egiten dituzten pertsonen kopurua.2016an 205.873 langile ziren, horietatik 126.633 ikerlariak.Horrek esan nahi du kopuru horiek %2,5 eta %3,4 hazi zirela aurreko urtearekin alderatuta, eta orain bost mila lagun gehiago aritzen direla jarduera horietan.Beraz, enpresa-sektorean I+G-ko %1,2 langile gehiago dago 2008an baino. Baina sektore publikoak ez ditu lortu urte hartako kopuruak, %6,2 beherago baitago.

Espainia bere inguruko herrialdeekin alderatzean argi gelditzen da lehentasunak desberdinak direla.I+G-ko inbertsioa 2009koa baino %9,1 txikiagoa da. EBko batez bestekoa, aldiz, %27 da, eta herrialde guztietan suspertu eta gainditu da batez besteko hori, Espainian, Finlandian eta Portugalen izan ezik.
Espainiako enpresen egoera berezia da. 2016an %11,1ekoinbertsioa egin zen, 2008an baino gutxiago, nahiz eta BPGa %0,2 hazi zen epealdi horretan.Europan, enpresen gastua %29,9 hazi zen, BPGa baino gehiago (%14).
Produkzio zientifikoari dagokionez, Espainiak munduko hamaikagarren postuari eutsi zion 2017an, 2013an Australiak gainditu ostean.

informecotec.es