Arazoa da askomendebalde basatia bailitz bezala hurbiltzen direla berrikuntzara.Lantaldeak eta enpresak ideia batetik bestera saltoka ibiltzen dira askotan-“saia gaitezen honekin” lehenbizi eta “proba dezagun beste hau” gero-, lehen saiakerako ahalegina aztertu eta hartatik ikasi beharrean.Beste batzuk hain daude lanpetuta datuak biltzen, ezen sormenak, produktibitateak eta gogoak ihes egiten diela eskuen artetik, eta berrikuntza ainguraturik gelditzen da datuak biltzeko fasean.

Hona hemen datuekin egiten diren bost akats, uler dezazun datuak noiz diren lagungarri berritzeko eta noiz ez:

Datu kopuru desegokia izatea

Kontuan izan datu bakar batek ez duela joerarik markatzen.Ezin baduzu eskuratu behar duzun informazio kualitatibo edo kuantitatiboa arazo edo gai bati buruz, igartzen edo suposizioak egiten ariko zara.Eta suposizio bat zuzena ala okerra izan daiteke.Suposizioek anbiguotasuna dakarte, nahasmenaren eta alferrik galdutako aukeren hazia ureztatzen dute.

Datu desegokiak izatea arazo bat konpontzeko

Pertsonek datu desegokiak erabiltzen dituzte berritzeko beharra justifikatzeko.Berritu nahi baduzu, ziurtatu datu egokiak dauzkazula landu nahi duzun testuinguru espezifikorako.

Gaizki neurtutako datuak izatea

Datuak zehatzak ez badira, informazio desegokia eskuratuko duzu, eta horrek esan nahi du ez zarela datuak ondo neurtzen ari.Datu zehatzak dituzula bermatzeko, neurketa-prozesu fidagarri eta koherenteak behar dituzu.Horrela bermatuko duzu metrika egokiak identifikatzen ari zarela eta datuak era fidagarrian neurtzen ari zarela uneoro.

Datuak ez aztertzea

Antolakundeen arazo nagusietako bat ez da datu gabezia, baizik eta ez dituztela ulertzen esku artean dituzten datuak eta ez dakitela nola erabili behar diren.Enpresak datu-multzo erraldoietan oinarritzen dira, baina gehienek ez dute astirik hartzen datu horiek aztertzeko.

Datuen aurrean azkarregi erreakzionatzea

Hona hemen datuekin egin ohi den beste akats bat: erabakiak hartzea datu kopuru txiki batetik abiatuta.Esaterako, antolakunde askok produktu berri bat garatu nahi izaten dute lehiakideen produktu berriei aurre egiteko.Hala, lehiakideek egin dutenari erreparatzen diote, eta gero hartatik zertxobait desberdintzen den beste zerbait garatzen dute.Baina zer da kontua? Lehiakideak egin duena datuen zati bat besterik ez dela.Produktu berri propio bat sortu baino lehen, konpainiak ulertu behar du zergatik sortu zuen bere lehiakideak produktu berria, eta jakin behar du produktu horrek nolako inpaktua izan duen bere bezeroen artean.

Datuak ez daitezela oztopo bat izan berrikuntzarako.Aztertu itzazu bost elementu horiek, ziurtatu estrategia egokiarekin ari zarela berritzen eta erabili datuak zure helburuak lortzeko

innovationmanagement.se