Enpresa guztiak kontuan hartzen badira, Euskadiko enpresa berritzaileenportzentajea % 18,6koa izan zen 2020an, aurreko urtean baino 0,4 puntu handiagoa. Horietatik % 10,7k produktuan berritu zuten eta % 16,2k negozio-prozesuetan.

Euskal enpresek 2.788 milioi euro gastatu zituzten berrikuntza-jardueretan 2020an.Covid-19aren pandemiak markatutako urtea izaki, gastu hori 2019koa baino % 3,7 txikiagoa izan zen eta negozio-zifraren % 1,75 suposatu zuen, 2019ko % 1,59aren aldean. Berrikuntza-jarduera horien barruan, honela banatu zen gastua: % 53,4 barneko I+G-ko jardueretara bideratu zen, % 14,9 I+G-ko erosketetara (kanpoko I+G), eta gainerako % 37,7a, berriz, beste berrikuntza-jarduera batzuetara.

Enpresa berritzaileen % 26,2k finantzaketa publikoa jasotzen du berrikuntza jardueretarako

Enpresa berritzaileek erakunde publiko baten edo gehiagoren finantzaketa publikoa jaso dezakete euren berrikuntza-jardueretarako.Enpresa horien % 26,2k finantzaketa publikoa jaso zuten.Laguntzaren jatorriari dagokionez, nabarmentzekoak dira Eusko Jaurlaritzak emandakoak, zeintzuk enpresa berritzaileen % 17,8ra iritsi baitziren.Tokiko administrazioek eta Foru Aldundiek enpresa horien % 10,8 eta % 8,0 finantzatzen dituzte.Estatuko Administrazioak euskal enpresa berritzaileen % 5,7 finantzatzen ditu, eta Europar Batasunak, berriz, enpresen % 5,5. Finantzaketa hori Horizontea 2020 programaren bitartez iristen da enpresen % 2,9ra, eta EBren beste finantzaketa bide batzuetatik gainerako % 3,3ra.

Enpresen erdiak baino gehiagok (% 58,0) uste dute hainbat faktore daudela berrikuntza-jarduerak eragozten dituztenak

Enpresen % 58,0ren iritziz, badaude hainbat faktore berrikuntza eragozten dutenak.Hona hemen horietako batzuk: “Beste lehentasun batzuk daude enpresa barruan” (% 44,8), “Kostu handiegiak” (% 35,8), “Laguntza edo dirulaguntza publikoak eskuratzeko zailtasunak” (% 30,0), “Lehia handiegia merkatuan” (% 29,7), “Ideia horiek merkatuan duten eskaerarekiko ziurgabetasuna” (% 29,4), “Finantzaketa eza enpresa barruan” (% 28,4) edo “Kanpoko iturri pribatuetako finantzaketa eza” (% 23,9).

Produktu berritzaileek sortzen dute euren enpresen negozio-zifraren % 35,9

Produktuan berritzen duten enpresen negozio-zifra osoaren % 35,9 produktu berritzaileetatik dator; gainerako % 64,1a, berriz, aldatu gabeko produktuetatik edo apur bat aldatzen direnetatik.

Produktuan berritzen duten 10 langileko edo gehiagoko enpresen kasuan, portzentaje horiek zertxobait aldatzen dira. Kasu horretan, produktu berriek edo nabarmen hobetuek negozio-zifran duten batez besteko eragina % 36,3koa da.

eustat.eus