Eta, zuzenean edo zeharka, adimenak beti dakar berekin kostu gutxiago jabeentzat.

Helburu horiek lortzeko, auto eta etxeetan sentsoreak jartzen dira, aukera ematen baitute aldagai fisiko ugari neurtzeko. Hala, digitalizazio prozesu horren erdian, etxe eta auto horiek datu-zentro handi bihurtu dira, hau da, sistemen sistema izatera iritsi dira.Beren barruan eta inguruan gertatzen den guztiaren zaindariak dira.

Halere, beste eszenatoki batzuetan gertatzen den bezala, prozesu horretan bada ahazten zaigun elementu garrantzitsu bat: pribatutasuna.Datuak babesten direla bermatzeak ez du ziurtatzen erabiltzaileei eskaintzen zaien pribatutasun-maila egokia denik.Pribatutasunak eskatzen du datuak babestea, bai, baina pribatutasuna hori baino askozgehiago da.Jakin behar da datuak nola atzematen diren, nola prozesatzen, partekatzen eta gordetzen diren, etab.

Horrelako eraikinetan ohikoa izaten da orobat kontagailu adimendunak izatea etxeetako energia kontsumoak neurtzeko.Kontagailu horiek telekomunikazio-sarearen bitartez (normalean Internet) konektatzen dira energia-hornitzaileen kontrol zentroetara.

Kontagailu adimendunekin posible da etxe jakin batean bizi diren pertsonen portaera-patroiak aztertzea, eta ez soilik energia kontsumoaren ikuspegitik.

Horregatik, ingurune adimendun horien diseinu, fabrikazio, eraikuntza, zabalkunde, mantenimendu eta operazioan inplikatutako eragile guztiek ongi ezagutu behar dituzte erabiltzaileen pribatutasunari buruz dituzten betebeharrak.Oinarrizko printzipioak bete behar dituzte, esaterako legitimazioa edo proportzionaltasuna.Eta pribatutasun estrategiak aplikatu behar dituzte diseinutik hasita.

Jasotzen dituzten datuen gardentasuna bermatu behar dute, azaldu behar dute zertarako biltzen dituzten datuak, eta aukera eman behar diete erabiltzaileei euren eskubideak erabiltzeko modu arinean, ahalik eta datu gutxien bilduz, eta abar.Baldintza horiek denak betetzen ez badira, lortu nahi dugun adimena ez da inoiz izango erabat pribatua.

ambientum.com