Toray Industries enpresa japoniarrak karbono-zuntza fabrikatzen du Boeing konpainiarentzat, eta baita ere lentillak, dispositibo medikoak eta askotariko produktu kimikoak. 1926an sortu zen. Lenzing, munduko zelulosa-zuntz fabrikatzaile handienetako bat, Austrian sortu zen 1938an.

Moda-kate japoniarrak (Fast Retailing taldeko filiala) akordio estrategiko bat du Toray enpresarekin duela hamabost urtetik, eta akordio horren bidez ehun berriak garatzen ditu. Lankidetza horren emaitza da, besteak beste, Heattech teknologia, beroa gordetzen duen genero berezia; dagoeneko mila milioitik gora artikulu ekoitzi dira berrikuntza hori erabiliz. Orain beste berrikuntza batzuk dituzte eskuartean, esaterako, gorputzaren tenperatura egonkortzen duen kapa bat. Arduradunek azaldu dutenez, aliantzaren helburua da ?estiloa eta teknologia uztartzea harmonia perfektua lortuz?.

Inditex enpresak, berriz, akordio bat du Lenzing konpainiarekin, zeinak landare jatorriko Tencel izeneko zuntz jasangarria ekoizten baitu. Bien artean oihal berri bat garatzen ari dira, Refibra izenekoa, elkarrekin konbinatzen dituena Inditex enpresaren arropa birziklatuetako kotoia eta modu jasangarrian kudeatutako basoetako zuntza.

expansion.com