Txosten horrek dio EBko berrikuntzaren errendimendua hazten ari delakonstanteki, eta EBko herrialdeen arteko konbergentzia gero eta handiagoa dela. EBko berrikuntzaren errendimendua % 8,9 hazi da batez beste 2012tik;hala, hazi egin da EBko 24 herrialdetan, eta hazkunderik handienak Lituania, Malta, Letonia, Portugal eta Grezian gertatu dira.

Berriro ere Suedia izan da EBko berrikuntzaren liderra, atzetik jarraitzen diotelarik Danimarkak, Finlandiak eta Herbehereek.Aurten Luxenburgok ere bat egin du berrikuntzaren liderrekin (lehen berritzaile indartsua zen), eta Portugal, berriz, berritzaile indartsuen taldean sartu da (lehen berritzaile ertaina zen).

Aurtengo azterlanaren ezaugarri nagusietako bat da Erresuma Batua EBtik atera dela.Horrek inpaktu txiki bat izan du EBko berrikuntzaren batez besteko bilakaeran.

Mundu mailan, EB AEBen aurretik geratu da bigarren aldiz.EBk lider izaten jarraitzen du berrikuntzan, Estatu Batuak, Txina, Brasil, Errusia, Hegoafrika eta Indiaren aurretik. 2012az geroztik, handitu egin da EBk Hego Korea, Australia eta Japoniakoarekiko duen jarduera-arraila, eta, aldiz, murriztu egin daEBk Estatu Batuetan, Txinan, Brasilen, Errusian eta Hegoafrikan duen lidergoa.

Bestalde, Espainiaren erregistroak ere gora egin du, baina berritzaile ertainen taldean jarraitzen du oraindik, eta EBko batez bestekoaren azpitik dago.Espainiaren kategorian, hots, berritzaile moderatuen taldean daude, orobat, Txekiar Errepublika, Hungaria, Letonia, Lituania, Malta, Eslovakia eta Eslovenia; aldiz, Bulgaria eta Errumania “berritzaile apalak” dira eta Europako batez bestekoaren azpitik daude.

Denboran zehar, Espainian berrikuntzak hobera egin du Europako batez bestekoarekin alderatuta, 2014an eta 2015ean erregistratutako beherakada alde batera utzita.

Espainiak baditu indargune batzuk, hala nola, berrikuntzaren aldeko ingurunea, gizabaliabideak (goi-mailako graduatuen prestakuntza) eta enpleguan duen inpaktua (zenbait enpresa eta jardueratako enplegua). Espainiak puntuazio altua du orobat doktoretza berrietako graduatuetan, produktu berritzaile berrien salmentan, banda zabalaren sarpen-mailan eta hezkuntza tertziarioko ikasketak dituzten pertsonen kopuruan.

Dena den, ahuluneak ere baditu, hala nola, ikerketan eta garapenean eginiko inbertsioa eta konpainia berritzaileen arteko elkarteak. Halaber, oso maila baxuan daude ezagutzan intentsiboak diren zerbitzuen esportazioak, produktu edo prozesu berritzaileak garatzen dituzten ETEak eta enpresa sektorearen I+G-ko gastuak.

Espainia EBko batez bestekoaren gainetik dago hainbat arlotan, besteak beste, hamar langile edo gehiagoko enpresen sorkuntzan, zerbitzuetako enplegu-tasan eta BPGaren urteko batez besteko aldaketan, baina batez bestekotik urrun gelditzen da beste batzuetan, hala nola, hamar milioiko biztanle-multzoanI+G-ko gastu handiena egiten duten enpresen portzentajean edo manufaktura-industriako enplegu-kuotan.

ec.europa.eu