Europar Batasunak adierazitakoaren arabera, I+Gko inbertsioa BPGd-ren %3koa izan dadin, "2.700 bat milioi inbertitu beharko genituzke, eta, Europaren berpizkunde hori lortzeko asmoz Draghi txostenean adierazitakoa erdietsi nahi izango bagenu, 3.800 milioietara heldu beharko ginateke", Innobasque-Berrikuntzaren Euskal Agentziako Manuel Salaverría presidenteak azaldu duenez.

Egia esan, Euskadik I+Gn egindako inbertsioa bere gehieneko historikora iritsi zen 2023an, 2.000 milioiak gainditu zituelako lehen aldiz, Eustat-Estatistikaren Euskal Erakundeak ikerketa zientifikoko eta garapen teknologikoko jarduerei buruz egindako estatistikaren arabera, hau da, aurreko urtean baino 208 gehiago. Inbertsio hori BPGd-ren %2,16koa denez (baita serie historikoko datu onena ere), autonomia-erkidegoak badu 27ko EBko 2022ko datuarekiko aldea murrizterik, orduan BPGd-ren %2,27koa zelako.

Azterlanean, iturri guztietan lortutako gehikuntza nabarmentzen da, baina, batez ere, goi-mailako irakaskuntzakoa, I+Gn egin zuen inbertsioa %31,9 hazi zelako, 13 milioietatik 51 milioietara igotzean.

Horiek horrela, finantzaketa pribatua 1.111 milioi gehitu zen, hau da, aurreko urtean baino 107 milioi gehiago (%10,7 gehiago). Administrazio publikoetakoa, ordea, 608 milioietatik 681 milioietara igo zen (2022an baino %11,9 gehiago); eta nazioarteko inbertsiogileek egindakoa, 144 milioietatik 160 milioietara (%10,9).

Eustatek egindako azterlanean, beste datu bat nabarmendu beharra dago, hau da, euskal lan-merkatuan talentu zientifikoak eta ikertzaileak izandako hazkuntza. Hain zuzen ere, I+Gko jarduerekin lotutako arduraldi osoko profesionalen kopurua 21.700etik 23.300era igo zen, hau da, Euskadiko biztanle aktiboen %2,21. Ehuneko hori, beraz, Europako batezbestekoa baino askoz ere handiagoa da, 2022an %1,53koa izan zela kontuan hartuta.

Euskal I+Gren eta berrikuntzaren ekosisteman, azpiegitura teknologikoak funtsezkoak dira, eta, haien artean, Euskadiko parke teknologikoen sarea nabarmentzen da. Sare horrek zenbait instalazio ditu Bizkaian, Gipuzkoan eta Araban. Bertan, hain zuzen ere, 660 enpresa daude finkatuta, 22.000 lagunek lan egiten dute eta okupazioa %90etik gorakoa da. Hori dela eta, hazkuntzarako eta hedapenerako fasean dago euskal lurralde guztietan.

Hona hemen Bizkaiko berritasunak: batetik, Abanto campusa ireki denez, funtsezkoa izan da Euskadi energiaren arloan lekuratzeko orduan; eta, bestetik, behar besteko hitzarmena sinatu da, Zorrotzaurreko uhartean Bilbao campusa sortzeko. Era berean, Ortuella campusa ere garatu da elikaduraren arloko berrikuntzarako polo moduan, eta honako hauexen proiektu estrategiko berriak ere aurkeztu ziren Zamudio/Derion: CFAA, EIC, Faes Farma edo Sener.

eleconomista.es