Estatistikako Institutu Nazionalak (INE) kaleratutako datuek erakusten dute 2019an 15.572 milioi euroko gastua egin zela I+G-n, aurreko urtean baino % 4,2 gehiago (626 milioi gehiago), eta portzentaje hori 2018 eta 2017koak baino “apur bat txikiagoa” da, aurreko bi urteetako ehunekoa % 6tik gorakoa izan zelako.

Guztira, sektore publikoa eta pribatua kontuan hartuz, Espainiak bere Barne Produktu Gordinaren (BPG) % 1,25 bideratu zuen I+G-ra (2018an % 1,24).

Autonomia erkidegoka, 2019an soilik zortzi autonomiak gainditu dituzte krisi aurreko I+G-ko inbertsio mailak (milioi eurotan):Gaztela eta Leon, Katalunia, Valentziako Erkidegoa, Galizia, IllesBalears, Madril, Murtzia eta Euskadi.

Beste muturrean daude Asturias, Kanariar Uharteak, Kantabria eta Errioxa.

Cotec-ekdio hazkunde hori lortzeko lagungarri izan dela sektore publikoak (Administrazio publikoa + Unibertsitatea) hirugarren urtez jarraian eta sektore pribatuak bosgarren urtez jarraian egin duten ekarpena, nahiz eta bi sektoreen inbertsio-mailak urrun jarraitzen duten 2008ko krisi ekonomikoaren aurreko mailetatik.

Cotec-ek deitoratu egiten du Espainiaren azkenaldiko ibilbidea, aldendu egiten baita EBren bidetik, zeinak krisiaren aurretik baino % 31 gehiago inbertitu baitzuen 2019an. Are handiagoa daTxinarekiko aldea, “bere inbertsio-maila bikoiztu baitu zientzia arloan eta EBk adinainbertitzen baitu2014tik, hots, BPGaren % 2,13”.

2009-2019 urteen artean, “Espainiako inbertsioen hazkundea % 6,4koa izan da, Europako beste lau ekonomia handiena baino askoz txikiagoa:Alemanian % 40koa, Erresuma Batuan % 26koa, Italian % 22koa eta Frantzian % 14koa” esan du Cotec-ek.

Gainera, Fundazioak ohartarazi du deigarria dela Espainiako inbertsio publiko metatuak 2010etik 2019ra izandako beherakada handia, hain zuzen % -5,4koa, Europaren bilakaera oso dinamikoa izan den bitartean (% 25).

Enpleguari dagokionez, gogorarazi du 2019an 231.413 pertsonak zihardutela ikerketan lanaldi osoan, eta 2010ean, aldiz, 222.000 zirela.

cotec.es