Hala ere, % 10,4ko igoera kalkulatuta, Euskadiko I+Gko guztizko gastua 1.600 milioi eurotik gorakoa izango dela aurreikus daiteke, pandemia gorabehera 2020an lortutako 1.490 milioiko errekorraren ondoren.
Dedikazio osoko baliokidetzan I+Gko langile guztiak % 6,7 gehitu ziren 2021ean; 2020an, ordea, % 0,5 jaitsi ziren, sektore horretan 19.511 pertsona ari baitziren lanean dedikazio osoan.

Administrazio publikoak izan zuen gastu-gehikuntzarik handiena, % 18,7ko igoerarekin 2021ean, eta haren mendeko I+Gko langileak % 11,3 gehitu ziren urte batetik bestera.
Sektore nagusiak, enpresak, % 11,5 egin zuen gora barne-gastuan, eta % 8,3 I+Gko jardueretarako.
Goi-mailako irakaskuntzan gastua % 3,2 hazi zen eta I+Gko langileak % 1,7.
BPGri dagokionez, Euskadiko I+Gko gastua 2020an % 2,08 izatetik 2021ean % 2,13 izatera igaro da.

Datuen aurrerapen hori egiteko, Eustatek kontuan hartzen ditu enpresak, goi-mailako irakaskuntza eta administrazio publikoa, aurreko urteko I+Gko gastu osoaren % 89,6 izan baitziren. Behin betiko emaitzak azaroan jakinaraziko dira.

eustat.eus