Euskal enpresen ezaugarri nagusietako bat da Europakoek baino funts propio gutxiago inbertitzen dituztela ikerketan eta garapenean; hain zuzen, euskal enpresa-sareak bere baliabideen % 69 bideratzen du helburu horietara, eta portzentaje hori % 85ekoa da Europar Batasunean.Euskal ekonomiarentzat eta produkzio-sarearentzat erreferente den Alemanian, esaterako, portzentaje hori % 90ekoa da.

Desdoitze horren atzean egon litekeen arrazoietako bat sailkapen-irizpideetan oinarritzen da, izan ere, EUSTATek dio enpresa sektoreak bere baitan biltzen dituela bai Ikerketa Kooperatiboko Zentroak (CIC), bai teknologi zentroak eta bai enpresetako I+G unitateak.Oro har, lehen biek Europako funtsetatik jasotzen dute euren finantzaketaren zati handiena, eta horrek eragina du amaierako emaitzan.

Horregatik, euskal sektoreak bere I+G-ko jarduerak garatzeko erabiltzen duen baliabide publikoen proportzioa % 21ekoa da; Europar Batasunean, ostera, % 5ekoa eta Alemanian % 3koa.

Gainera, txostenak dio Euskadi dela BPGren gaineko pizgarri fiskalenportzentaje handiena duen ELGAko (Ekonomiako Lankidetza eta Garapen Erakundea)hirugarren herrialdea, Frantzia eta Erresuma Batuaren atzetik.

orkestra.deusto.eus