Aplikazio berri hau sortzeko, “osasun zerbitzuaren eta etxeko zaintzaren oinarri gisa” erabiltzen zen adimen artifizialeko software bat egokitu diote gaixotasunaren analisiari eta tratamenduari. Halaxe dio sortzaileetako batek, Ángel Díezek, zeinak, sistema-ingeniariz eta biomedikuntzako ingeniariz osatutako lantalde tekniko batekin batera, dagoeneko erabiltzen zen tresna hori egokitu baitu epidemiari aurre egiteko, “unitate kritikoetako profesional klinikoek” hala eskatuta. CSICeko bozeramaileek diote datozen egunetan adimen artifizialeko proiektu bat ezagutaraziko dutela.

Ubikare sisteman oinarritutako tresna berriak Reg Covid 19 du izena, eta pazientearen hainbat aldagai metatzen ditu analizatzeko eta interpretatzeko: datu guztiak sailkatzen ditu eta gaixoaren bilakaera eta hilkortasuna aurreikusten ditu automatikoki eta berehala, eskura dauzkan datuetan oinarrituta. Hainbat datu demografiko jasotzen ditu fitxategi batean: aurretik izan dituen gaixotasunak, bere ebaluazioa, erabili den tratamendua, prozesuan jasan dituen konplikazioak eta altaren data, halakorik badago. Horrela ondorioztatzen du zein ekintzak izan duen arrakasta gehien gaixoaren profilean.

elpais.com