Massachusetts-eko Amherst Unibertsitateko (AEBak) zientzialariek gailu berri bat garatu dute, zeinak proteina natural bat erabiltzen baitu aireko hezetasunetik elektrizitatea sortzeko.

Ikerlariek “Aire sorgailua” edo “aire bidezko sorgailua” (Air-gen) deitzen diote gailu berriari. Geobacter mikrobioak sortutako proteinazko nanokableak erabiltzen ditu, proteina horiek elektrizitate eroaleak direlako. Hala, Air-gen gailuak elkarrekin konektatzen ditu elektrodoak eta proteinazko nanokableak, korronte elektrikoa sortuz atmosferan naturalki aurkitzen den ur-lurrunetik.

“Ezerezetik sortzen dugu elektrizitatea”, dio Jun Yao ingeniari elektrikoak. “Air-gen gailuak energia garbia sortzen du egunean 24 orduz, asteko zazpi egunetan”, gaineratu du Derek Lovley mikrobiologoak. Biologia jasangarrian oinarritutako material elektronikoetan aditua duela hiru hamarkadatik, Lovley-k uste du aplikazio hau dela orain arteko “harrigarri eta zirraragarriena”.

Yao-ren laborategian garatutako teknologia berria ez da kutsagarria, eta berriztagarria eta kostu baxukoa da. Energia sor dezake baita hezetasun oso gutxi daukaten tokietan ere, adibidez, Saharako basamortuan. “Abantaila esanguratsuak dauzka energia berriztagarria sortzen duten beste metodo batzuen aldean (eguzki-energia, energia eolikoa…)” dio Lovley-k, “beste iturri berriztagarri batzuk ez bezala, Air-gen gailuak ez duelako eguzkirik edo haizerik behar, eta barnealdean ere funtzionatzen duelako”.

notiulti.com