Adimen Artifiziala

Bazirudien ez zela iritsiko, baina iritsi da, eta inoiz baino indar gehiagorekin gainera.Zalantzarik gabe, hauxe da negozioen munduan inpaktu gehien izango duen etorkizuneko teknologietako bat.

Izan ere, aukera ematen die enpresei prozesuak automatizatzeko eta sekulako datu-multzoak aztertzeko, eta, bide horretatik, baita ere aukera berriak deskubritzeko eta eraginkortasuna hobetzeko.

Prozesu-kateen automatizazioa, aurpegien eta ahotsen errekonozimendua sarbideen kontrolerako, ordainketa automatikoak…Horra AAk berekin ekarriko dituen erabilera-adibide batzuk.

3D inprimaketa

3D inprimaketa fabrikazioko prozesu bat da, diseinu digital batetik abiatuta hiru dimentsioko objektuak sortzeko erabiltzen dena.

3D inprimaketa-prozesuari fabrikazio gehigarria ere deitzen zaio, eta fabrikazioko teknologia berri eta moldakorrenetako bat da.

Teknologia honi esker, enpresek produktu fisikoak inprimatu ditzakete diseinu digitaletatik abiatuta, entrega-epeak eta fabrikazioko kostuak murriztuz.

Blockchain

Blockchain teknologia berritzaile bat da, informazio, ondasun eta zerbitzuen trukea ahalbidetzen duena prozesuan konfiantzazko hirugarren batek esku hartu beharrik gabe.

Erregistro digitalen blokez osatutako kate bat da; blokeak aldaezinak dira, kateatuta daude, eta datu-base banatu batean gordetzen dira.

Bloke-kate hori kolektiboki kontrolatuta dago sarera konektatutako milaka ordenagailuren bidez.

Kriptografia banatua erabiliz ziurtatzen da bloke-kateko informazioa modu seguruan eguneratzen delaberrikuspen sakon bat egin ondoren.

Hortaz, teknologia hau ezin daiteke manipulatu.

Big Data

Teknologia honen bidez, antolakundeek datu kopuru handiak bildu eta prozesatu ditzakete erabakiak hartzeko prozesuak sinpletzeko.

Informazio kopuru izugarriak bildu eta aztertzen ditu,hainbatarlotako patroi eta joerak ezagutarazteko, hasi negozioetatik eta osasun politiketaraino.

Informazio hori kanpoko iturrietakoa izan liteke, hala nola kontsumitzaileei eginiko inkestak, ikuspegi klinikoko datu-baseak, hedabide sozialetako arakatze-jarduerak, sentsoreen txostenak, eta abar.

BigData-ren helburua da enpresaren emaitzak hobetzea eta lehiakortasun abantaila bat ematea.

IoT

Internet ofThings (IoT) deitzen zaio gailuen Internet bidezko konexioari, eta aukera ematen du gailu horien artean datuak trukatzeko, hobeto ulertu eta kontrolatu ditzaten inguruneak.

Internet OfThingsteknologiarekin hainbat abantaila lortzen dira: denbora errealeko diagnostikoak, prozesuen optimizazioa hobetzea, mugikortasuna izatea edozein toki eta edozein unetan, produktibitatea handitzea… Eta gainera, lagungarri da erakundeetako eragile guztiekin dugun harremana hobetzeko.

revistabyte.es