Aurrerapen asko daude, ingurua erabat aldatu dutenak: datuen zientzia, Gauzen Internet, adimen artifiziala, smartphone-ak, lainoa, gidatze autonomoa eta hiriko mugikortasunean gertatutako aldaketak, errealitate birtuala eta handitua, robotika, dronak"

Digitalizazioaren funtsa da ulertzea aldaketa horiek ez direla joera edo moda soila, eta aldaketa horiek enpresen kudeaketan aplikatu behar dira. Ez da kontzeptu berri bat, baina errealitate desberdinetara aplikatu denez, halako nahasmen bat sortzen ari da.

Dokumentuak dio horrelako teknologiak barneratzen dituzten enpresek hobetu egiten dituztela beren emaitzak. Inkestatuen %64k positiboki baloratu dute berrikuntza digitalen erabilpena, erdiak baino gehiagok esan dute gehiago fakturatzen dutela eta %14k, berriz, produktibitatea %20tik gora handitu dutela. Txostenak azpimarratu du enpresa handietan ohikoagoa dela horrelako aldaketak egitea. "Ezinbestekoa da egitea. Partidu hau jokatu beharra dago. Ez da aukera bat" baieztatu du Javier Casadok, Everis enpresako "teknologian espezializatutako aholkularitza multinazionaleko- arlo digitaleko arduradunak.
"Ez da erraza, kultura aldatu behar delako, eta ez dugulako ulertzen tsunamiak eragina duela denongan" baloratu du Silvia Lealek. KPMGk CEOErekin batera prestatutako eta ekainaren erdialdera aurkeztutako Perspectivas de la pequeña empresa en España txostenak dio ETEen %20 baino gutxiago direla "berrikuntzaren eta teknologia disruptiboaren" aldeko apustua lehentasun estrategikotzat jotzen dutenak. "Tamaina txikiko enpresentzat zailagoa izan da horrelako aldaketak egitea, batez ere krisialdian. Bizirautea zen euren lehentasuna" adierazi du Casadok.

Bezeroak beti du arrazoia

Edozein dela ere enpresaren tamaina, eraldaketak beti izan behar du arrazoi bat atzean, planteamendu estrategiko bat, alegia. "Argi izan behar da zertarako aldatu behar den" uste du David Shing-ek, AOL erraldoiko profetak, eta halaxe adierazi du Madrilen eman duen Digital Enterprise Show kongresuan, digitalizazioari buruzko Estatuko ekitaldirik garrantzitsuenetako batean. "Lehenik eta behin, bezeroei edo bezerotzat izan nahi dituzunei entzun behar diezu. Ikusi nolako portaera duten zure markarekin eta nola hobetu daitekeen haiekiko harremana teknologiaren bitartez". "Oraintxe bertan hori da joera nagusia, hots, ez begiratu barnealdera, konpainiaren prozesuetara, baizik eta zure nagusi izango direnengana, kontsumitzaileengana"

adierazi du Javier Casadok; bere esanetan, datuak dira lan hori egiteko tresna garrantzitsuenetako bat. Europako Batzordearen inkestak sakonago aztertu du teoria hori: erantzun duten enpresen %40k adierazi dute digitalizazioari esker hobetu egin dutela bezeroekiko esperientzia eta harremana, eta gorakada hori izan dela hobekuntza garrantzitsuena, lehiakortasunaren hazkundearekin batera.

elpais.com